काठमाडाैं । प्रमुख प्रतिपक्षी नेपाली कांग्रेसका सांसद् रामकृष्ण यादवले सहकारी ठगी र सुन तस्करी काणडमा जोडिएका सत्तागठबन्धन निकटका व्यक्तिलाई जोगाउने प्रपञ्च भइरहेकाे बताउनुभएकाे छ ।
बिहीबार बसेकाे प्रतिनिधि सभा बैठककाे विशेष समयमा बाेल्दै सांसद् यादवले सुन तस्करी काण्डमा पूर्व उपराष्ट्रपति नन्दबहादुर पुनका छोरा दीपेश पुनलाई उन्मुक्ति दिने प्रयास भइरहेकाे बताउनुभयाे ।
आफूहरुले देशमा सुशासन चाहेकाे उहाँले बताउनुभयाे । 'हामी देशमा सुशासन र समृद्धि चाहन्छौँ, यो देश तस्कर र भ्रष्टाचारीहरूको देश नबनोस्, सहकारी ठगी र सुन प्रकरणमा पनि पूर्व उपराष्ट्रपति नन्दबहादुर पुनका छोरा दीपेश पुनलाई उन्मुक्ति दिने प्रपञ्च भइरहेको छ, यदि यस्तो भयो भने यो देशमा आम जनता निराश हुनेछन् र वर्तमान सरकारका विरुद्ध जनता सडकमा आउनेछन्'- सांसद् यादवले भन्नुभयाे ।
अहिले जनता निराश भइरहेकाे, गर्मी याम सुरु भएसँगै आगलागीका घटना सुरु भएकाे भन्दै उहाँले यसकाे राेकथामका लागि पूर्व तयारी गर्न सरकारकाे ध्यानाकर्षण गराउनुभयाे । सत्ता परिवर्तनले आफूहरु नअत्तालिएको दाबी पनि सांसद् यादवले गर्नुभयाे ।
