काठमाडौं । प्रमुख प्रतिपक्ष दल नेपाली कांग्रेसका सांसदले गृह मन्त्रीको राजीनामा माग गर्दै वेल घेराउ गरेपछि प्रतिनिधि सभा बैठक आइतबारसम्मका लागि स्थगित भएको छ ।
शुक्रबार प्रतिनिधि सभाको पहिलो बैठकमा कांग्रेस सांसदले उठेर विरोध जनाएपछि १५ मिनेटको लागि स्थगित गरिएको थियो । पुनः दोस्रो बैठक सुरु हुने बित्तिकै कांग्रेस सांसदहरू बेल घेराउनमा उत्रिएका थिए ।
सभामुख देवराज घिमिरेले उपप्रधानमन्त्री एवं गृहमन्त्री रवि लामिछानेलाई राजनैतिक दल सम्बन्धी (दोस्रो संशोधन) विधेयक, २०८० माथि विचार गरियोस् भन्ने प्रस्ताव प्रस्तुत गर्न अनुमति दिए लगत्तै कांग्रेस सांसदले बेल घेराउ गरेका थिए ।
अवरोधसँगै प्रतिनिधि सभाको अर्को बैठक आइतबार बिहान ११ बजे बस्ने गरी स्थगित भएको छ ।
