काठमाडाैं । प्रमुख प्रतिपक्षी नेपाली कांग्रेसका सांसद् दिक्पाल कुमार शाहीले उपप्रधान तथा गृहमन्त्री रवि लामिछानेकाे राजीनामा माग्नुभएकाे छ ।
साेमबार बसेकाे प्रतिनिधि सभा बैठककाे शून्य समयमा बाेल्दै सांसद् शाहीले सहकारी ठगी काण्डमा मुछिएका गृहमन्त्रीले तत्काल राजीनामा दिनुपर्ने बताउनुभयाे । पीडितलाई न्याय दिन र पीडकलाई कारबाही गर्न गृहमन्त्रीले राजीनामा दिएर सहयाेग गर्नुपर्ने उहाँले बताउनुभयाे ।
गृहमन्त्रीले कांग्रेसलाई पढाउन खाेजेकाे भन्दै उहाँले २ वटा नागरिकता र पासफाेर्ट तथा हकारी ठग्न नसिकाउन समेत अनुराेध गर्नुभयाे । 'सहकारीमा जनताले जम्मा गरेको पैसा नियमविपरीत गृह मन्त्रीज्यूले लिनुभएको र अनुसन्धान गर्ने तालुक मन्त्रालयमा आफैं बसेको आरोप छ, पीडितलाई न्याय दिन र पीडकलाई कारबाही गर्न गृहमन्त्रीले राजीनामा गरी सहयोग गरिदिन माग गर्दछु, गृहमन्त्रीले नेपाली कांग्रेसलाई पढाउन खोज्नुभएको रहेछ, मेरो अनुरोध छ - कांग्रेसलाई पढाउँदा डबल नागरिकता, डबल पासपोर्ट, सहकारी ठग्न र सुन तस्करीसँग साँठगाँठ गर्न नसिकाउनुहोला'- उहाँले भन्नुभयाे ।
कांग्रेसले आफ्नो राजीनामा मागेपछि गृहमन्त्री लामिछानेले शुक्रबार संसद् भवन परिसरमा सञ्चारकर्मीसँग कुरा गर्दै कांग्रेसलाई पढाउने इच्छा रहेकाे बताउनुभएकाे थियाे ।
माओवादी पार्टी सुन पार्टी बनेकाे र अर्थमन्त्री वर्षमान पुन पनि त्यसमा मुछिएकाे भन्दै सांसद् शाहीले सहकारी ठगी र सुन काण्डबारे प्रधानमन्त्री पुष्पकमल दाहाल प्रचण्डले जवाफ दिनुभयाे ।
