काठमाडाैं । प्रमुख प्रतिपक्षी नेपाली कांग्रेसका सांसद् राजु थापाले उपप्रधान एवं गृहमन्त्री रवि लामिछानेलाई नैतिकता प्रदर्शन गर्न आग्रह गर्नुभएकाे छ ।
बुधबार बसेकाे प्रतिनिधि सभा बैठककाे शून्य समयमा बाेल्दै सांसद् थापाले गृहमन्त्रीले यसअघि प्रतिपक्ष र सञ्चारकर्मी हुँदा नैतिकताकाे कुरा धेरै उठाउनुभएकाे स्मरण गर्दै अब आफूमाथि उठेकाे विषयमा नैतिकता प्रदर्शन गर्न सुझाव दिनुभयाे ।
गृहमन्त्री लामिछानेलाई सहकारी काण्डमा मुछिएकाे विषयमा नैतिकता देखाउन उहाँले सुझाउनुभएकाे हाे । 'वर्तमान गृहमन्त्री प्रतिपक्षीमा हुँदा अथवा मिडियाकर्मी हुँदा उहाँले नैतिकताको कुरा धेरै उठाउनु भएको छ, आज यो प्रश्न उहाँमाथि तेर्सिएको छ, कांग्रेसले यो कुरा राजनीतिक प्रतिशोधका कारणले उठाएको होइन, हामीले हजारौं सहकारी पीडितका आवाजहरू संसदमा उठान गरेका छौं, उहाँलाई नैतिकता प्रदर्शन गर्न र नैतिकवान बन्न सभामुखमार्फत् गृहमन्त्रीको ध्यानाकर्षण गर्न चाहन्छु'- सांसद् थापाले भन्नुभयाे ।
