काठमाडौं । सभामुख देवराज घिमिरेले प्रधानमन्त्री र मन्त्रीहरूले संसद्मा बोल्न समय माग गर्दा उपलब्ध गराउने अभ्यास रहेको प्रष्ट पार्नुभएकाे छ ।
बुधबार बसेकाे प्रतिनिधि सभा बैठककाे सुरुमै नेपाली कांग्रेसका सांसद् विश्वप्रकाश शर्माले बाेले लगत्तै सभामुख साे अभ्यासबारे जानकारी गराउनुभएकाे हाे ।
कांग्रेस र कार्यव्यवस्था परामर्श समितिको बैठकको सहमतिबिना एजेण्डा नबनाउन आग्रह गर्दै सांसद् शर्माले त्यस्ता बनाए कांग्रेस कठाेर हुने चेतावनी दिनुभएकाे थियाे । जवाफमा सभामुख घिमिरेले भन्नुभयाे - 'प्रधानमन्त्री, मन्त्रीहरू संसद्प्रति उत्तरदायी हुने संवैधानिक व्यवस्था हो, प्रधानमन्त्री र मन्त्रीले संसद्मा समय माग गर्दा उपलब्ध गराउने हाम्रो प्रचलन, अभ्यास र र व्यवस्था भएको कुरा जानकारी गराउन चाहन्छु ।'
