काठमाडाैं । नेकपा एमालेका सांसद् लालप्रसाद (एलपी) साँवा लिम्बूले झापा लगायत जिल्ला हात्तीकाे आतंक बढेकाे भन्दै सरकारकाे ध्यानाकर्षण गराउनुभएकाे छ ।
बुधबार बसेकाे प्रतिनिधि सभा बैठककाे शून्य समयमा बाेल्दै सांसद् लिम्बूले झापा उदयपुर लगायत जिल्लामा हात्ती आतंकका कारण जनधनकाे क्षति भएकाे बताउनुभयाे ।
साउन यता झापामा मात्रै हात्तीकाे आक्रमणबाट ६ जनाले ज्यान गुमाएका भन्दै उहाँले पीडितलाई राहत र क्षतिपूर्ति दिन माग गर्नुभयाे । सांसद् लिम्बूले भन्नुभयाे - 'हात्तीकाे कारण झापाकाे जनजीवन त्रसित छन्, वनविनास हुँदै गइरहेकाेले हात्तीहरुले आहाराकाे खाेजीमा झापा, माेरङ, सुनसरी, उदयपुर लगायत जिल्लाका गाउँवस्तीहरुमा किसानहरुकाे खेतीबाली नाेक्सान तथा मानवीय क्षति समेत पुर्याइरहेका छन्, झापामा साउन यता मात्र ६ जनाले ज्यान गुमाएका छन्, ५ जना गम्भीर घाइते भएका छन्, अस्थायी र पक्की घर गरी ३२ घरमा क्षति भएकाे छ, भण्डारण तथा अन्नपात नाेक्सान भएकाे छ, सहयाेग र राहतका लागि गम्भीर ध्यानाकर्षण गराउन चाहान्छु ।'
