काठमाडाैं । नेकपा एमालेका सांसद् सूर्य थापाले सहकारी ठगी काण्डमा व्यक्तिकेन्द्रित नहुन नेपाली कांग्रेसलाई सुझाव दिनुभएकाे छ ।
बुधबार बसेकाे प्रतिनिधि सभा बैठककाे आकस्मिक समयमा बाेल्दै सांसद् थापाले सहकारी ठगी काण्ड उपप्रधान तथा गृहमन्त्री रवि लामिछाने केन्द्रित विषय मात्र नरहेकाे बताउनुभयाे ।
सुन तस्करी काण्डमा एमालेले तथ्यसहित छानबिन समिति गठनको माग गरेको र यसले परिणाम पनि दिएको भन्दै उहाँले कांग्रेसले पनि प्रमाणसहित विषय उठाउनुपर्ने बताउनुभयाे ।
गृहमन्त्रीमाथिकाे मुद्दा कास्की जिल्ला अदालतमा विचाराधीन रहेकाे भन्दै सांसद् थापालले विचाराधीन विषयमा बाेल्नु उचित हाेइन भन्ने कुरा जान्दा जान्दै पनि कांग्रेसले विराेध गरिरहेकाे बताउनुभयाे । 'कास्की अदालतमा विचाराधीन विषय हाे याे, अदालतमा विचाराधीन विषय यहाँ बहसको विषय हुन्न भन्ने कुरा संविधान बमाेजिम थाहा छ, तर थाहा पाएर पनि उठाएका छौं, सहकारी विषयमा छलफल गरेर निष्कर्षमा पुग्नका निम्ति हाेइन, सहकारी सत्तापक्षमा बस्दा निदाउने प्रतिपक्षमा बस्दा जाग्ने विषय हाेइन, हामीले हिजाे प्रतिपक्षमा र आज सत्तापक्षमा बस्दा पनि उठाएका छाैं'- उहाँले भन्नुभयाे ।
बचतकर्ताकाे बचत अपचलनकाे विषय ठगीकाे विषय भएकाे भन्दै सांसद् थापाले उनीहरु नठगिने विषयकाे सुनिश्चितता सरकार र संसद्ले गर्नुपर्ने बताउनुभयाे । यसाे गर्न नसके सहकारीकाे सन्दर्भमा गरेकाे अरण्य राेधन राेधनमै सीमित हुने बताउनुभयाे । 'हाेइन भने सहकारीकाे सम्बन्धमा सत्ता गठबन्धनमा भ्वांग पार्ने काेशिस अन्तर्गत उठाइएकाे एउटा अरण्य राेधन हुनेछ, याे अरण्य राेधनले देशलाई केही परिणाम दिनेछैन'- उहाँले भन्नुभयाे ।
सबै सहकारीलाई समस्याग्रस्त घाेषणा गरेर बचत कर्ताकाे बचत माया मार्ने स्थितिमा पुर्याउने काेशिस भइरहेकाे उहाँले बताउनुभयाे । बचतकर्ताकाे बचतलाई सुरक्षित गर्ने, फिर्ता पाउने, सहकारीमार्फत भएकाे लगानी सुरक्षित गर्ने र त्यहाँ भएका अपचलन र बदमासलाई कारबाही गर्ने विषय भएकाे सांसद् थापाले बताउनुभयाे ।
सहकारीका सन्दर्भमा राष्ट्रिय बहस आवश्यक रहेकाे उहाँले बताउनुभयाे । 'रवि लामिछाने मन्त्री गृहमन्त्री या काेही मन्त्री या सत्तापक्षबाट प्रतिपक्षमा र प्रतिपक्षमा गएकाे कारणले उठाउने विषय हाेइन सहकारीका सन्दर्भमा राष्ट्रिय बहस सिर्जना गराैं, समस्याकाे समाधान गराैं, यसलाई सत्ता र प्रतिपक्षकाे साैदाबाजीकाे विषय नबनाऔं, यसमा व्यक्ति केन्द्रित प्रहारकाे औचित्य छैन'- सांसद् थापाले बताउनुभयाे ।
प्रधानमन्त्रीले गठबन्धनकै नेताकै रुपमा बाेल्ने समेत सांसद् थापाले बताउनुभयाे । प्रतिपक्षकाे कुरा सुन्नुपर्ने भन्दै उहाँले प्रतिपक्षका कुरा विषय र तथ्यमा आधारित हुनुपर्ने बताउनुभयाे । सत्ता र प्रतिक्षका कुरा सुनेर निष्कर्षमा पुर्याउने काम गर्न सांसद् थापाले सुझाव दिनुभयाे ।
