काठमाडाैं । निःशुल्क स्वास्थ्य उपचारको सुनिश्चितता सम्बन्धी संकल्प प्रस्ताव राष्ट्रिय सभाबाट पारित भएको छ ।
शुक्रबार बसेकाे राष्ट्रिय सभाको दाेस्राे बैठकले सो प्रस्ताव सर्वसम्मतिले पारित गरेकाे हाे । साे प्रस्तावमा पैसा, पहुँच र गुणस्तरीय उपचारको अभावमा कुनै पनि नागरिकलाई अकाल मृत्युबाट बचाउन सरकारलाई सचेत गराइएकाे छ ।
त्यसअघि संकल्प प्रस्तावमाथिकाे छलफलमा प्रस्तावकाे समर्थक सांसद्हरुले बाेलेका थिए । सांसद्का प्रश्नकाे उपप्रधान एवं स्वास्थ्य तथा जनसंख्या मन्त्री उपेन्द्र यादवले जवाफ दिनुभएकाे थियाे ।
संकल्प प्रस्तावमाथिको छलफलमा स्वास्थ्य मन्त्री यादव उपस्थित नभएको भन्दै संकल्प प्रस्ताव प्रस्तोता कांग्रेस सांसद् कमला पन्तले आपत्ति जनाएपछि पहिलाे बैठक केहीबेर स्थगित भएकाे थियाे ।
सो संकल्प प्रस्तावमा कृष्णप्रसाद पौडेल, जितजंग बस्नेत, शारदादेवी भट्ट, नारायणदत्त भट्ट, तुलप्रसाद विश्वकर्मा, बिमला घिमिरे, भुवन बहादुर सुनार, विष्णुबहादुर विश्वकर्मा, मनरुपा शर्मा, दुर्गा गुरुङ, शोनाय ग्याल्जेन शेर्पा, जयन्तिदेवी राई, मायाप्रसाद शर्मा, मदनकुमारी साह, भगवति न्यौपाने, किरणबाबु श्रेष्ठ, कृष्णबहादुर रोकाया, आनन्द प्रसाद ढुंगाना, पदम बहादुर परियार र मृगेन्द्रकुमार सिंह यादव समर्थक हुनुहुन्छ ।
बैठकमा राष्ट्रिय सभा अध्यक्ष नारायणप्रसाद दाहालले प्रस्ताव कार्यान्वयनका लागि सरकारलाई र कार्यान्वयनकाे अनुगमनका लागि सम्बन्धित समितिलाई निर्देशन दिनुभयाे । 'सभाबाट सर्वसम्मतिले स्वीकृत निःशुल्क स्वास्थ्य उपचारको सुनिश्चितता सम्बन्धी संकल्प प्रस्तावमा उल्लेखित विषयहरुकाे कार्यान्वयनका लागि माननीय उपप्रधानमन्त्री एवं स्वास्थ्य तथा जनसंख्या मन्त्रीले सभामा व्यक्त गर्नुभएका प्रतिबद्धता समेतका आधारमा सबै नागरिककाे उपचारमा सहज पहुँच स्थापित गर्दै संकल्प प्रस्तावमा उल्लेखित विषयकाे कार्यान्वयनका लागि निर्देशन गर्दछु, साथै संकल्प प्रस्तावमा उल्लेखित विषयकाे कार्यान्वयनकाे अनुगमन गर्न सम्बन्धित विषयगत समितिलाई निर्देशित गर्दछु'- उहाँले भन्नुभयाे ।
