काठमाडाैं । खाद्य स्वच्छता तथा गुणस्तर विधेयक, २०७७ का सम्बन्धका प्रतिनिधि सभाबाट भएको संशोधनलाई राष्ट्रिय सभाले पनि सहमति जनाएको छ ।
शुक्रबार बसेको राष्ट्रिय सभा बैठकले कृषि तथा पशुपंक्षी विकासमन्त्री ज्वालाकुमारी साहले पेस गर्नुभएकाे खाद्य स्वच्छता तथा गुणस्तर विधेयक, २०७७ का सम्बन्धका प्रतिनिधि सभाबाट भएको संशोधनलाई सहमति गरियाेस् भन्ने प्रस्ताव सर्वसम्मतिले पारित भएकाे हाे ।
साे प्रस्तावलाई निर्णयार्थ पेस गर्दै राष्ट्रिय सभा अध्यक्ष नारायण प्रसाद दाहालले सर्वसम्मतिले सहमति भएकाे घाेषणा गर्नुभयाे ।
राष्ट्रिय सभाको अर्को बैठक ०८१ वैशाख ४ गते मंगलबार दिउँसो १ बजेर १५ मिनेटमा बस्नेछ ।
