काठमाडाैं । सभामुख देवराज घिमिरेले प्रतिपक्षी दलहरू नेपाली कांग्रेस र राष्ट्रिय प्रजातन्त्र पार्टी (राप्रपा) लाई दोहोरो चरित्र नदेखाउन आग्रह गर्नुभएकाे छ ।
आइतबार प्रतिनिधि सभा बैठक सुरु हुनासाथ कांग्रेस र राप्रपाका सांसद्ले उठेर विराेध जनाएपछि सभामुखले घिमिरेले कार्यव्यवस्था परामर्श बैठकमा एउटा र संसद्मा अर्को कुरा नगर्न उनीहरुलाई आग्रह गर्नुभयाे ।
कार्यव्यवस्था परामर्श समितिको बैठकमा भएकाे निर्णय र समझदारी अनुसार अघि बढ्न प्रतिपक्षी दलहरुलाई उहाँले पटक पटक आग्रह गर्नुभयाे । 'त्यहाँ एउटा कुरा गर्ने, यहाँ आएर अर्को कुरा गर्ने, यहाँ बसेर एउटा, तल बसेर अर्को कुरा गर्ने हामी कस्तो खालको परिपाटीको विकास गर्छौं, यस्तो गलत परिपाटीको विकास गर्न हामीले उद्धत नहाऔं, जे समझदारी भएको छ त्यसकाे आधारमा अघि बढौँ'- सभामुख घिमिरेले भन्नुभयाे ।
कार्यव्यवस्था परामर्श समितिको बैठकमा भएकाे निर्णय र समझदारी अनुसार अघि बढ्न सभामुख घिमिरेले प्रतिपक्षी दललाई आग्रह गर्नुभयाे । 'सार्वजनिक सूचनाबाट पनि यहाँहरुले जानकारी पाउनुभएकाे छ, भर्खरै मात्रै कार्यव्यवस्था परामर्श समितिको बैठकमा पनि बसेर आउनुभएकाे छ, माननीयस सदस्यहरु आसन ग्रहण गर्नुस्, कार्यव्यवस्था समितिमा भएका धारणा र निर्णयका आधारमा बैठक अगाडि बढाउँछाैं, भर्खरै मात्रै कार्यव्यवस्था परामर्श समितिकाे बैठकले गरेका निर्णय र समझदारीबारेमा ध्यान आकृष्ट गराउन चाहन्छु, आज हामी जरुरी विषयमा मात्रै प्रवेश गर्नेबारे एउटा समझदारी भएको कुरा यहाँ पनि जानकार हुनुहुन्छ भन्ने ठान्दछु'- उहाँले भन्नुभयाे ।
वैठकमा सभामुख घिमिरे राष्ट्रपति कार्यालयबाट प्राप्त प्रतिनिधि सभाकाे चालु अधिवेशन अन्त्य सम्बन्धी पत्र पढेर सुनाउनुभएकाे थियाे ।
