काठमाडाैं । काेशी प्रदेश सभामा नेकपा एमाले र माओवादी केन्द्रकाे संकल्प प्रस्ताव पेस भएकाे छ ।
बिहीबार बसेकाे काेशी प्रदेश सभा बैठकमा एमाले काेशी प्रदेश संसदीय दलका प्रमुख सचेतक रेवतिरमण भण्डारीले संकल्प प्रस्ताव पेस गर्नुभएकाे हाे ।
एमाले र माओवादीका ५२ जना सांसद्ले विशेष प्रकारका प्रस्ताव पारित र छलफल गर्नुपर्ने भएकाले काेशी प्रदेश सभाकाे विशेष अधिवेशन बाेलाउनुपर्ने माग चैत २६ गते प्रदेश प्रमुख परशुराम खापुङसमक्ष राखेका थिए ।
मुख्यमन्त्री केदार कार्कीलाई विशेष निर्देशन दिनका लागि संकल्प प्रस्ताव ल्याइएकाे प्रमुख सचेतक भण्डारीले जानकारी दिनुभयाे ।
त्यसअघि सभामुख अमरबहादुर बिष्टले प्रदेश प्रमुखबाट मन्त्रिपरिषद्को जिम्मेवारी हेरफेर र प्रदेश सभाका सचिव गोपालप्रसाद पराजुलीको नियुक्तिबारे सदनलाई जानकारी गराउनुभएकाे थियाे ।
संकल्प प्रस्ताव पेस भएपछि बैठक भाेलिसम्मका लागि स्थगित भएकाे छ । अर्काे बैठक भाेलि बिहान ११ बजे बस्ने सभामुख विष्टले जानकारी दिनुभयाे ।
