काठमाडाैं । १५ मिनेटका लागि स्थगित भएकाे प्रतिनिधि सभा बैठक सुरु भएकाे छ ।
तर प्रतिनिधि सभा बैठक सुरु हुनासाथ नेपाली कांग्रेसले अवरुद्ध गरेकाे छ । सभामुख देवराज घिमिरेले सभाकाे कारबाही सुरु गरेकाे बताउनसाथ कांग्रेस सांसद्ले वेल घेर्दै नाराबाजी गरिरहे ।
सभामुख घिमिरेले उपप्रधान तथा गृहमन्त्री रवि लामिछानेलाई कुरा राख्न समय दिनुपर्ने भन्दै बस्न पटकपटक आग्रह गर्नुभयाे । तर कांग्रेस सांसद्ले टेरेनन् । सहकारी ठगी काण्डमा गृहमन्त्रीमाथि संसदीय छानबिन समिति बनाएर छानबिन गर्नुपर्ने माग गर्दै कांग्रेसले सदन अवरुद्ध गरेकाे हाे ।
संघीय संसद्काे बजेट अधिवेशन सुरु भएकाे पहिलाे दिनकाे बैठकमै कांग्रेस गृहमन्त्री विरुद्ध आक्रामक रुपमा प्रस्तुत भएकाे हाे । यसअघि कांग्रेस सांसद्ले वेल घेराउ गर्दै लगातार नाराबाजी गरेपछि सभामुख घिमिरे १५ मिनेटका लागि बैठक स्थगित गर्नुभएकाे थियाे ।
