काठमाडाैं । सरकारको आगामी आर्थिक वर्ष ०८१-८२ को नीति तथा कार्यक्रम आज सार्वजनिक हुँदैछ ।
संघीय संसद्को दुवै सदन प्रतिनिधि सभा र राष्ट्रिय सभाकाे संयुक्त बैठकमार्फत सरकारकाे नीति तथा कार्यक्रम सार्वजनिक हुन लागेकाे हाे ।संघीय संसद् भवन नयाँ बानेश्वरमा अपराह्न ३ बजे बस्ने संयुक्त बैठकमा सरकारका तर्फबाट राष्ट्रपति रामचन्द्र पौडेलले नीति तथा कार्यक्रम प्रस्तुत गर्नुहुने कार्यसूची रहेको संसद् सचिवालयले जनाएकाे छ ।
नीति तथा कार्यक्रम सहज रुपमा प्रस्तुत गर्नका लागि सत्तारुढ र प्रमुख प्रतिपक्षी नेपाली कांग्रेसबीच सहमति भने जुटेकाे छैन ।
संसद्को गतिरोध अन्त्य गर्ने विषयमा भएको सत्तारुढ दल छलफलमा जुटेपनि कुनै निष्कर्षमा पुगेका छैनन् । संसदीय छानबिन समिति नबनेसम्म नीति तथा कार्यक्रम पनि प्रस्तुत गर्न नदिने कांग्रेसकाे अडान छ ।
कांग्रेसकाे संसदीय दलकाे बैठकले त्यस विषयमा निर्णय गर्नेछ ।
