काठमाडाैं । रास्वपाका सांसद् मनिष झाले प्रमुख प्रतिपक्षी नेपाली कांग्रेस बिहीबारकाे प्रतिनिधि सभा बैठकमा अर्मयादित ढंगले प्रस्तुत भएकाे बताउनुभएकाे छ ।
संघीय संसद् भवन परिसरमा सञ्चारकर्मीसँग कुरा गर्दै सांसद् झाले कांग्रेस उपसभापति धनराज गुरुङले देशकाे सम्मानित नेता तथा पूर्व प्रधानमन्त्री केपी शर्मा ओलीमाथि अभद्र व्यवहार गरेकाे बताउनुभयाे । 'कांग्रेसकाे उपसभापति (धनराज गुरुङ) उपसभामुख र मन्त्री बस्ने ठाउँमा आउनुभयाे अमर्यादित रुपमा प्रस्तुत हुनुभयाे, अभद्र व्यवहार गर्नुभयाे, देशकाे सम्मानित नेता पटक-पटक प्रधानमन्त्री भइसकेकाे नेता केपी शर्मा ओली बस्नुभएकाे ठाउँमा आएर जुन हात हालाहालकाे अवस्था सृजना गर्नुभयाे, याे बिर्सिनलायक घटना रहेन'-उहाँले भन्नुभयाे ।
केपी ओलीले मेराे अगाडि नभिनुस् भनेर गुरुङलाई भन्नुभएकाे तर गुरुङले हात हालहाल गर्ने अवस्था सृजना गरेर अभद्र व्यवहार गर्नुभएकाे झाले बताउनुभयाे । 'उहाँ (केपी ओली) ले मेराे अगाडि नभिनुस् भन्न त पाउनुहुन्छ नि ? त्यसाे भन्दा कांग्रेसकाे उपसभापति जस्ताे नेताले हात हालाहाल गर्ने ? संविधान बनाउँदा र आन्दाेलन गर्दाकाे सहयात्री हाे नि उहाँहरु त'- उहाँले भन्नुभयाे ।
कांग्रेसका केही नेताले वयोवृद्ध (ओली) नेतामाथि अभद्र व्यवहार गर्दा आफूहरु उहाँकाे पक्षमा उभिएकाे झाले बताउनुभयाे । 'हाम्रो क्याप्टेनको पक्षमा उभिएका हौं, तर हामीले कसैको विषयमा औँला उठाएका छैनाैं'- उहाँले भन्नुभयाे ।
संसद्मा आज भएकाे गाईजात्राकाे निर्देशक कांग्रेस नै रहेकाे सांसद् झाले बताउनुभयाे ।
आराेपकाे स्पष्टिकरण र जवाफ दिन पाउनुपर्ने र सहकारीकाे समग्र छानबिन रास्वपाकाे शर्त रहेकाे तर कांग्रेसले संसदीय नियमावली र कानुन विपरीत बाेल्न कुण्ठित गरेकाे उहाँले बताउनुभयाे ।
अब छानबिन समिति नबन्ने चेतावनी समेत सांसद् झाले बताउनुभयाे । आफ्ना सभापतिमाथि आराेप पुष्टि भए आफूहरु राजनीति छाेड्न तयार रहेकाे भन्दै उहाँले कांग्रेसलाई चुनाैती पनि दिनुभयाे । 'के कांग्रेसका सांसद्हरुले याे हिम्मत राख्न सक्नुहुन्छ ? मेराे सभापतिकाे, उसकाे छाेराकाे र श्रीमतीकाे गर भन्न सक्छ ? सक्छ भने च्यालेञ्ज भयाे, अघि हाम्रा २ वटा शर्त मान्नुस् हामी समिति बनाउन तयार छाैं भन्दा मान्नुभएन, अब छानबिन समिति बन्दैन'- सांसद् झाले भन्नुभयाे ।
यदि कांग्रेस आफ्ना सबै नेता र पदाधिकारीकाे छानबिनका लागि तयार भए मात्र अब छानबिन समिति बन्ने चुनाैती समेत उहाँले दिनुभयाे । 'त्यो बेला समिति बन्छ, जब कांग्रेस पनि आफ्नो पदाधिकारीको फाइल खोल्न तयार हुन्छ'- सांसद् झाले भन्नुभयाे ।
संसदीय दलकाे बैठकमा एउटा, कार्यव्यवस्था परामर्श समितिमा अर्काे, संसद्मा एउटा र संसद्बाहिर अर्काे कुरा गर्ने काम कांग्रेसले गरेकाे सांसद् झाले बताउनुभयाे । कांग्रेसका महामन्त्री तथा सांसद्, अन्य सांसद् र प्रमुख सचेतक तथा गुटगत नेताले फरकफरक अभिव्यक्ति दिने गरेका भन्दा उहाँले उसकाे कुरा नपत्याउन र तथ्यलाई सत्य ठान्न सञ्चारकर्मीलाई आग्रह गर्नुभयाे ।
