काठमाडाैं । उपप्रधान तथा गृहमन्त्री एवं रास्वपाका सभापति रवि लामिछानेले दलहरुबीच सहमति भए व्यक्ति केन्द्रित संसदीय छानबिन समिति बनाउन आफू तयार रहेकाे बताउनुभएकाे छ ।
आइतबार बसेकाे प्रतिनिधि सभा बैठकलाई सम्बोधन गर्दै गृहमन्त्री लामिछानेले मिडियामा आएकै भरमा संसदीय छानबिन समिति बनाउने हाे भने आफू त्यस्ताे समिति फेस गर्न तयार रहेकाे बताउनुभयाे ।
'मिडियामै आएकाे भरमा समिति बनाउने हाे ? व्यक्ति केन्द्रित समिति बनाउने हाे सदनले तय गराेस्, संसदीय समिति बनाउने हाे भने, समाचारमा आएका विषयमा समिति बनाउने हाे भने सदनबाट तय गरियाेस्, मबाट सुरु गरियाेस्, आराेप लागेका सबै तयार हाे भने म पनि तयार छु, ।'
कस्ताे समिति बनाउने ? त्यसका लागि आफूले के गर्नुपर्ने हाे भन्ने प्रश्न गर्दै उहाँले रास्वपालाई नराखिकन अरु दल बसेर समिति बनाउन चुनाैती दिनुभयाे ।
उहाँले मिडियामा आएका समाचारका भरमा समिति बनाउने काे भने चर्चामा आएकाहरुकाे पनि प्रसंग पनि सुनाउने भन्दै उहाँले विभिन्न दलका नेता संलग्न विषयकाे चर्चा गर्नुभयाे ।
व्यक्ति केन्द्रित समिति बनाउन सदन तयार भए आफू पनि तयार भएकाे उहाँले बताउनुभयाे । गृहमन्त्री लामिछानेले भन्नुभयाे - 'सरकारले न्यूनतम साझा कार्यक्रममै पुराना फाइल खाेल्ने उल्लेख छ, समाचारहरु आएकै भरमा व्यक्तिकेन्द्रित समिति बनाउन तयार हाे ? अरु सबै तयार हाे भने म पनि तयार हाे, मैले उल्लेख गरेकाहरुकाे फाइल खाेलाैं, म तयार छु, तर कस्ताे नजीर स्थापित गर्ने र कस्ताे संसदीय मर्यादा कायम गर्ने हाे भन्ने पनि सदनले तय गराेस् ।'
आफूले कुनै अपराध नगरेकाे दाबी गर्दै उहाँले छानबिन समिति मात्र नभएर अन्तर्राष्ट्रिय समिति बनाएपनि केही फरक नपर्ने बताउनुभयाे ।
जिम्मेवार प्रतिपक्ष भएर समस्याकाे समाधान खाेज्नुकाे सट्टा कांग्रेसले एउटा व्यक्तिलाई सदन र सडकबाट ललकारिरहेकाे बताउनुभयाे । आफूलाई लाेकतान्त्रिक दल भन्ने नेपाली कांग्रेसले राजनीतिक दमन गरेकाे उहाँले बताउनुभयाे ।
गृहमन्त्री लामिछानेले आफूले सहकारी ठगी गरिएको भनि आएको समाचारमा कुनै सत्यता नरहेको बताउनुभयाे ।
