काठमाडौं । सभामुख देवराज घिमिरेले कार्यव्यवस्था परामर्श समितिको बैठक बोलाउनुभएको छ ।
आजको प्रतिनिधि सभा बैठक बस्नु अघि सभामुखले कार्यव्यवस्था परामर्श समिति बैठक बोलाउनुभएको हो । प्रतिनिधिसभाको बैठक आज बिहान ११ बजेका लागि बोलाइएको छ ।
आजको बैठकमा प्रधानमन्त्रीले विश्वासको मत लिने कार्यक्रम रहेको छ । कार्यव्यवस्था परामर्श समितिको बैठक बिहान १० बजे डाकिएको छ । सभामुख घिमिरेले बैठक सञ्चालनका विषयमा छलफल गर्न बैठक बोलाउनुभएको हो ।
सहकारी ठगी प्रकरणमा गृहमन्त्री रवि लामिछानेको नाम जोडिएकोले संसदीय छानबिन समिति बनाउनु पर्ने माग राख्दै प्रमुख प्रतिपक्षी दल नेपाली कांग्रेसले संसद् अवरुद्ध गर्दै आएको छ । संसद् अवरुद्ध भइरहेकै बेला प्रधानमन्त्रीले विश्वासको मत लिन लाग्नु भएको छ ।
