काठमाडाैं । प्रधानमन्त्री पुष्पकमल दाहाल प्रचण्डले विश्वासकाे मत पाउनुभएकाे छ ।
प्रमुख प्रतिपक्ष नेपाली कांग्रेसकाे अवरोधबीच प्रधानमन्त्री प्रचण्डले साेमबार प्रतिनिधि सभा बैठकबाट विश्वासको मत पाउनुभएकाे हाे ।
मत विभाजनमा १ सय ५८ जना सांसद् सहभागी भएकाेमा उहाँकाे पक्षमा १ सय ५७, विपक्षमा शून्य र मत दिन्न भन्ने पक्षमा १ मत परेकाे सभामुख देवराज घिमिरेले सभालाई जानकारी गराउनुभयाे ।
प्रधानमन्त्रीकाे पक्षमा परेकाे १ सय ५७ मत हाल प्रतिनिधि सभामा तत्काल कायम रहेकाे सम्पूर्ण सदस्य संख्याकाे बहुमत भएकाले प्रधानमन्त्री प्रचण्डले प्रतिनिधि सभाबाट विश्वासकाे मत प्राप्त गर्न राख्नुभएकाे प्रस्ताव बहुमतले पारित भएकाे घाेषणा गर्नुभएकाे हाे ।
जसपा नेपालले सरकारलाई दिएकाे समर्थन फिर्ता लिएपछि प्रधानमन्त्री प्रचण्डले संविधानको धारा १०० को उपधारा (२) अनुसार विश्वासको मत लिनुभएकाे हाे ।
