काठमाडौं । प्रतिनिधि सभा सदस्य बद्रीप्रसाद पाण्डेले संसद्लाई ब्यारेक होइन विचारको थलो बनाउनु पर्ने बताउनुभएको छ ।
मंगलबार प्रतिनिधि सभा बैठकमा बोल्दै पाण्डेले सत्ता पक्षले प्रतिपक्षले प्रतिपक्षलाई बोल्नबाट वञ्चित गरेको भन्दै आलोचना गर्नुभयो । कांग्रेस सहकारी ठगी प्रकरणमा संसदीय छानबिन समिति गठन गर्नुपर्ने अडानमा कांग्रेस दृढ रहेको पाण्डेले बताउनुभयो । ‘हामी हाम्रो अडानमा दृढ छौँ, लाखौँ सहकारी पीडितलाई न्याय दिने कर्तव्यबाट हामी कदापि च्युत हुने छैनौँ, बचतकर्ताको बचत फिर्ताको सुनिश्चित नभएसम्म हाम्रो लडाइँले विश्राम पाउने छैन’, उहाँले भन्नुभयो ।
चार वटा सहकारीबाट गोर्खा मिडिया नेटवर्कले एक अरबको ऋण लिएको बताउँदै उहाँले सो ऋण लिँदाका बखत त्यसका प्रबन्ध निर्देशक अहिलेका गृह मन्त्री रवि लामिछाने भएको उहाँले बताउनुभयो । लामिछानेको सो प्रकरणमा संलग्नता देखिएकोले उहाँ माथि छानबिन हुनु पर्ने उहाँले माग गर्नुभयो ।
