काठमाडाैं । प्रतिनिधि सभामा प्रमुख प्रतिपक्षी नेपाली कांग्रेसले आजपनि अवराेध गरेकाे छ ।
आइतबार बैठक सुरु हुनासाथ सभामुख देवराज घिमिरेले राप्रपाका प्रमुख सचेतक ज्ञानबहादुर शाहीलाई बाेल्नका लागि समय दिनुभएकाे थियाे ।
शाहीले बाेलेर सभामुखले कार्यसूची अगाडि बढाउनै खाेज्दा कांग्रेसका सांसद्हरुले वेल घेराउ गर्दै नाराबाजी सुरु गरेका छन् । सभामुख घिमिरेले बस्नका लागि आग्रह गर्नुभएपनि कांग्रेस सांसद्ले नाराबाजी गरिरहेका छन् ।
कांग्रेसकै नाराबाजीबीच सभामुख घिमिरेले बैठककाे कारबाही अगाडि बढाउनुभएकाे छ ।
