काठमाडौं । प्रतिनिधि सभा सदस्य डा. चन्द्र भण्डारीले प्रतिनिधि सभामा जनताका कुरा उठ्नु पर्ने बताउनुभएको छ ।
आइतबार प्रतिनिधि सभा बैठकको शून्य समयमा बोल्दै भण्डारीले प्रतिनिधि सभा एक आपसमा झगडा गरेर समय बिताउने थलो नभएको बताउनुभयो । ‘नेपाली जनताले हामीसँग प्रश्न गर्नुभएको छ, भुईँ मान्छेका कुरा उठाउने ठाउँमा तिमीहरू झगडा गरेर समय बिताउँछौँ, जनताका कुरा उठेनन्’ उहाँले भन्नुभयो ।
अहिले भर्खरै पानी परेकोले किसानले ढिलो गरी मकै छरेकामा टुसा निस्कने बित्तिकै बाँदरले मकै उखेलेर किसानलाई दुःख दिई अस्तव्यस्त बनाएका उहाँले बताउनुभयो । संसदमा जनताको कुरा नउठाएको भन्दै नागरिकको ठुलो आक्रोश बढेको उहाँले सुनाउनुभयो । ‘जनताले बाँदरहरू जम्मा गर्दै छन् रे, अब यो सदनलाई उपहार बाँदर दिने’, उहाँले भन्नुभयो ।
भण्डारीले अहिले काठमाडौं महानगरपालिकाले सडक विभाग अगाडि धुलो ल्याएर मिल्काएको घटना पनि निक्कै चर्चामा रहेको बताउनुभयो ।
