काठमाडाैं । नेकपा एमालेका सांसद् ईश्वरी घर्ती र ईश्वर बहादुर रिजालले यस वर्ष विपद् व्यवस्थापनका लागि भइरहेकाे पूर्व तयारीबारे सदनलाई जानकारी गराउन सरकारकाे ध्यानाकर्षण गराउनुभएकाे छ ।
आइतबार बसेकाे प्रतिनिधि सभा बैठककाे शून्य समयमा बाेल्दै सांसद् घर्तीले वर्षायाम नजिकै गर्दा देशभरका नागरिकता विपद्का घटनाबारे कसरी बाँच्ने भन्ने चिन्ता र चासाे सुरु भएकाे बताउनुभयाे ।
'मनसुन भित्रने समय भित्रिदै गर्दा विभिन्न प्राकृतिक र गैरप्राकृतिक विपद्का घटनाले वर्षेनी ठूलाे क्षति भएकाे छ, यस वर्ष पनि यस्ता विपद्का घटनाबाट कसरी बच्ने भन्दै देशभरका नागरिक चिन्ता र चासाे सुरु भएकाे छ, यस वर्षकाे वर्षायाममा हुने बाढी पहिराे र ढुबानबाट हुने सम्भावित विपद् र क्षतिलाई आँकलन गरी त्यसकाे प्रभाव र क्षति न्यूनीकरण गर्न सरकारकाे पूर्व तयारी के छ ? तीन तहकै सरकार मातहत रहेकाे विपद् व्यवस्थापन काेषमा आवश्यक र दक्ष जनशक्तिकाे अभाव छ, विपद्काे तुरुन्तै सम्बाेधन गर्ने संयन्त्र परिचालित पनि छैन '- उहाँले भन्नुभयाे
विपद् व्यवस्थापनका लागि के हुँदैछ भन्नेबारे तत्काल सदनलाई जानकारी गराउन सरकारसँग माग गर्दै सांसद् घर्तीले भन्नुभयाे - तसर्थ यस वर्षकाे विपद् व्यवस्थापनकाे सरकारकाे तयारीबारे सदनलाई जानकारी गराउन सरकारसँग माग गर्दछु ।'
एमालेकै सांसद् ईश्वरबहादुर रिजालले पनि विपद् व्यवस्थापनकाे पूर्व तयारीबारे सदनमा जानकारी गराउन गृहमन्त्रीकाे ध्यानाकर्षण गराउनुभयाे । 'अबकाे साता-१० दिनभित्र मनसुन भित्रने माैसमविद्ले बताइरहनुभएकाे, पहाड र हिमालका १८ वटा जिल्लाका १ सय३६ वटा वस्ती सार्नुपर्ने राज्यकाे रिपाेर्ट छ, अहिले डढेलकाे प्रकाेपले माटाे खुकुलाे भएकाे छ, अलिकति पानी पर्नासाथ वस्ती र जमिनमा पहिराे जानेछ, तराईमा पनि बाढीकाे जाेखिम छ, याे भन्दा पहिला राज्यकाे तर्फबाट सरकारकाे तयारी के छ ? यसबाट आश्वस्त पार्न सदनमा गृहमन्त्रीकाे सम्बाेधनकाे माग गर्छु'- उहाँले भन्नुभयाे ।
