काठमाडाैं । नेपाली कांग्रेसका सांसद् डा. प्रकाशशरण महतले बजेटमा सुधारका प्रयासलाई निरन्तरता नदिइएकाे भन्दै असन्तुष्टि जनाउनुभएकाे छ ।
आइतबार बसेकाे प्रतिनिधि सभा बैठकमा बजेटमाथिकाे छलफलमा भाग लिँदै सांसद् महतले आफू अर्थमन्त्री हुँदा भएका सुधारका प्रयासहरु अहिलेको बजेटमा नसमेटिएकाे भन्दै असन्तुष्टि जनाउनुभयाे ।
बजेट प्रस्ता गर्दा हाम्राे अर्थतन्त्रकाे मूलभूत समस्या के छ ? त्यसका आधारमा समाधानकाे बाटाे के हुन सक्छ ? कसरी स्राेत व्यवस्थापन हुन सक्छ ? स्राेत कहाँबाट जुटाउने र कसरी खर्च गर्नेतर्फ बजेट केन्द्रित हुनुपर्नेमा त्यसाे हुन नसकेकाे उहाँले बताउनुभयाे ।
अर्थमन्त्री भइसकेकाले बजेट निर्माणका चुनाैती आफूले बुझेकाे भन्दै सांसद् महतले अर्थतन्त्रमा देखिएका चुनाैती सामना गर्ने कंक्रिट दिशा बजेटले पक्रिन नसकेकाे बताउनुभयाे । 'बजेटले चुनाैतीकाे सामना गर्नेतर्फ एउटा कंक्रिट दिशा यसले पक्रन सकेकाे छैन, गत साल हामीले सुधारका कंक्रिट स्टेप प्रस्तावित गरेका थियाैं, त्यसअनुसार कार्यविधि तय गरेका थियाैं, बजेटरी सिस्टममा जुन अनुशासनकाे कमी थियाे बेथिति थियाे त्यसलाई अन्त्य गर्ने राेडम्याप हामीले तय गरेका थियाैं, त्यसमा हामी कार्यरत थियाैं, मलाई आशा थियाे त्यसले निरन्तरता पाउँछ भन्ने, तर सुधारकाे थालनीले निरन्तरता पाएन, उहाँ (अर्थमन्त्री) ले उच्चस्तरीय सुधारमा त्यसलाई पन्छाइदिनुभयाे' - उहाँले भन्नुभयाे ।
बजेटरी सिस्टममा कहाँ समस्या छ भन्ने थाहा भइसकेकाले उच्चस्तरीय सुधार आयाेगकाे आवश्यकता नभएकाे सांसद् महतले बताउनुभयाे । 'कुनै उच्चस्तरीय सुधार आयाेगकाे आवश्यक छैन, बजेटरी सिस्टम, स्राेत विनियाेजन, बहुवर्षीय ठेक्कामा कहाँ समस्या छ भन्ने सबै थाहा छ, कसरी हरेक पटक नयाँ नयाँ कार्यक्रम प्रस्तावित हुन्छ र पुराना अलपत्र हुँदै जान्छन्, त्यसका लागि कुनै उच्चस्तरीय आयाेगकाे आवश्यकता थिएन'-उहाँले भन्नुभयाे ।
हिजाे थालेका सुधारका कामलाई याे बजेटले अगाडि बढाउनुपर्नेमा नबढाएकाे समेत उहाँले बताउनुभयाे ।
