काठमाडाैं । नेकपा एमालेकी सांसद् विजुला रायमाझीले बजेटमा समृद्ध नेपाल सुखी नेपालीकाे राष्ट्रिय आकांक्षा समेटिएकाले आशा जगाएकाे बताउनुभएकाे छ ।
साेमबार बसेकाे प्रतिनिधि सभा बैठकमा आगामी आर्थिक वर्ष २०८१-०८२ को राजस्व र व्ययको वार्षिक अनुमान (बजेट) माथिको छलफलमा भाग लिँदै सांसद् रायमाझीले समृद्ध नेपाल सुखी नेपालीकाे राष्ट्रिय आकांक्षा पूरा गर्न सरकार प्रतिबद्ध छ भन्ने कुरा बजेटमै राखिनुले आशा जगाएकाे बताउनुभयाे ।
उहाँले भन्नुभयाे - 'वर्तमान सरकार देशमा समाजवादउन्मुख, आर्थिक, सामाजिक रुपान्तरणका लागि राजनीतिक स्थायित्व, सुशासन, विकास, सामाजिक न्यायसहित समृद्ध नेपाल सुखी नेपालीकाे राष्ट्रिय आकांक्षा पूरा गर्न प्रतिबद्ध छ भन्नुले आशा पलाएकाे छ, साेहीअनुसार याेजनामा विनियाेजन भए हाेलान् भन्ने आशा गराैं ।'
राजनीतिक, आर्थिक, सामाजिक रुपान्तरणले मात्र समृद्ध नेपाल सुखी नेपालीकाे राष्ट्रिय आकांक्षा पूरा गर्न नसकिने भन्दै सांसद् रायमाझीले सांस्कृतिक रुपान्तरण, मानव संशाधनकाे विकास र राष्ट्रिय उत्पादनमा आत्मनिर्भरताकाे बाटाे समाउनुपर्ने बताउनुभयाे । साेही अनुसार बजेट विनियाेजन, प्रभावकारी कार्यान्वयन, चुहावट नियन्त्रण, भ्रष्टाचारी प्रवृत्तिलाई निरुत्साहित, वैज्ञानिक पारदर्शी मूल्यांकन पद्धतिकाे थालनी सरकारले यसै वर्षबाट थाल्नुपर्ने उहाँले बताउनुभयाे ।
बजेटमा नारा र कार्यक्रम राम्रा भएका भन्दै सांसद् रायमाझीले कार्यान्वयनमा जाेड दिनुपर्ने बताउनुभयाे ।
कृषि मन्त्रालयकाे बजेट कम भएकाे भन्दै उहाँले कृषि मन्त्रालयकाे बजेट बढाउनुपर्ने बताउनुभयाे । आम नेपाली किसानकाे हित हुने नीति निर्माण गर्न, नेपाली उत्पादकलाई प्राेत्साहन गर्नुपर्ने, आयात घटाएर निर्यात गर्ने वातावरण बनाउनुपर्ने उहाँले बताउनुभयाे ।
बजेट किताबकाे बुँदा नम्बर ३१ देखि ५० नम्बर सम्मकाे बुँदाले निराश बनाएकाे भन्दै सांसद् रायमाझीले भाषा र नाराले मात्र नहुने भएकाले कार्यान्वयन गर्नुपर्ने बताउनुभयाे ।
