काठमाडाैं । प्रमुख प्रतिपक्षी नेपाली कांग्रेसकी सांसद् रमा काेइरालाले कांग्रेसमाथि लगाइएकाे लाञ्छना सह्य नहुने चेतावनी दिनुभएकाे छ ।
मंगलबार बसेकाे प्रतिनिधि सभा बैठककाे विशेष समयमा बाेल्दै सांसद् काेइरालाले कांग्रेसमाथि गाली गलाैज गरे सह्य नहुने बताउनुभयाे ।
कांग्रेसले सहकारी ठगी काण्डलाई लिएर सदन अवराेध गर्दा सत्तापक्षबाट भएकाे व्यवहारकाे देखिएकाे दृश्यले मुलुक हाँसेकाे दाबी उहाँले बताउनुभयाे । 'याे संसद् लाेकतान्त्रिक मुलुककाे संसद् थियाे कि एउटा कम्युनिष्ट पार्टीले सञ्चालन गर्ने ब्यारेक थियाे ? त्याे मैल बुझ्न सकिनँ'- सांसद् काेइरालाले भन्नुभयाे । त्यसलाई चिर्दै चिर्दै समिति बनाउन दबाब दिन कांग्रेस सफल बनाउन भएकाे उहाँले बताउनुभयाे ।
सहकारी ठगी काण्डकाे छानबिनका लागि बनेकाे संसदीय छानबिन समितिकाे कार्यक्षेत्र अदलबदल गर्ने प्रत्यत्न गरे त्यसकाे ठूलाे मूल्य चुकाउनुपर्ने चेतावनी समेत उहाँले बताउनुभयाे । संसद्मा कांग्रेसलाई लगाइएकाे लाञ्छना फिर्ता लिनुपर्ने समेत सांसद् काेइरालाले बताउनुभयाे ।
एमालेप्रति लक्षित गर्दै उहाँले बनिनसकेकाे परियाेजना उद्घाटन गर्ने काम गर्ने पार्टीका नेताले कांग्रेसलाई दाेष लगाउन नमिल्ने बताउनुभयाे ।
सांसद् काेइरालाले सेक्युरिटी प्रिन्टिङ प्रेस, ओम्नी र यतिमा छानबिन गर्न माग गर्नुभयाे । आफ्नाे श्रीमान्ले ४५ वर्ष वकालत गरेकाले आफूले सर्वाेच्च अदालतलाई सम्मान गर्ने भन्दै उहाँले गिरिबन्धु कांग्रेसले नभएर सर्वाेच्चले निकालेकाे कुरा भएकाे बताउनुभयाे । 'गिरिबन्धु कांग्रेसले हाेइन अदालतले निकालेकाे कुरा हाे ? त्यसैले म अदालतकाे सम्मान गर्छु, यहाँ बाेल्न चाहान्नँ, तर तपाइँहरु सरकारमा हुनुहुन्छ त्यसकाे छानबिन गर्नुस्'- सांसद् काेइरालाले भन्नुभयाे ।
आफूहरुले भनेकाे नभए सर्वाेच्च अदालतमा ढुंगा हान्न गएकाे हाेइन भन्ने आराेपसहितकाे प्रश्न पनि उहाँले गर्नुभयाे । संसद्मा वेल घेराउ गर्न पुगेकाे कांग्रेसमाथि गरिएकाे व्यवहार सहेकाे तर गाली गलाैज नसहने सांसद् काेइरालाले बताउनुभयाे । उहाँले भन्नुभयाे - 'याे घटनालाई कम्युनिष्टहरुकाे शासन चलाउने रियलसनकाे सुरुआत त हाेइन याे भन्ने रुपमा हेरेकाे छु ।'
