काठमाडाैं । उपप्रधान तथा गृहमन्त्री रवि लामिछानेले मनसुन पूर्व तयारी तथा प्रतिकार्य कमाण्ड पोस्टको स्थापना गरिने बताउनुभएकाे छ ।
बुधबार बसेकाे प्रतिनिधि सभा बैठकका सांसद्का प्रश्नकाे जवाफ दिँदै उहाँले मनसुन सुरु भएदेखि अन्त्य नहुँदासम्मका लागि गृह मन्त्रालयकाे विपद् तथा द्वन्द्व व्यवस्थापन महाशाखाका सहसचिवकाे नेतृत्वमा मनसुन पूर्व तयारी तथा प्रतिकार्य कमाण्ड पोस्टको स्थापना गर्ने निर्णय भएकाे बताउनुभयाे ।
गृहमन्त्री लामिछानेले त्यसमा सबै सुरक्षा निकाय र विपद् व्यवस्थापनसँग प्रत्यक्ष सराेकार राख्ने मन्त्रालय र विभागका प्रथम श्रेणीका अधिकारीले काम गर्ने बताउनुभयाे । उहाँले कमाण्ड पोस्टले माैसम पूर्वानुमानकाे जानकारी लिइ, जाेखिमकाे आँकलन गरी, प्रभावका आधारमा पूर्व तयारी र विपद्का घटनापछिकाे प्रतिकार्य याेजनाकाे प्रभावकारी कार्य गर्न-गराउनका लागि संयाेजनकारी भूमिका खेल्ने बताउनुभयाे ।
कमाण्ड पाेस्टले विपद् व्यवस्थापनका लागि परिचालित हुने सरकारी, गैरसरकारी एवं वैदेशिक सहयाेगबाट प्राप्त हुने सामग्रीकाे परिचालनमा समेत समन्वय गर्ने गृहमन्त्री लामिछानेले बताउनुभयाे ।
कमाण्ड पाेस्टलाई आवश्यक परे प्रधानमन्त्री र गृहमन्त्री लगायतलाई सम्पर्क गर्नेगरी अधिकार सम्पन्न बनाइएकाे उहाँले बताउनुभयाे । गृहमन्त्री लामिछानेले भन्नुभयाे - 'आजैबाट सुरु हुनेगरी ११४९ नम्बरकाे टाेल फ्रि नम्बरलाई आजैबाट असाेज २९ गतेसम्मका लागि २४ घण्टा यस्ता सूचना लिन-दिनका लागि तैनाथ राखिएकाे छ र टाेलीले आजैदेखि काम गरिरहेकाे जानकारी गराउछु ।'
उहाँले यही जेठ २२ गते बसेकाे गृह मन्त्रालयकाे कार्यकारी समितिकाे बैठकले मनसुन पूर्व तयारी तथा राष्ट्रिय कार्ययाेजना, २०८१ लाई पारित गरेकाे बताउनुभयाे । गृहमन्त्री लामिछानेले भन्नुभयाे - 'मनसुन पूर्व तयारी तथा राष्ट्रिय कार्ययाेजना, २०८१ लाई जेठ २२ काे कार्यकारी समितिकाे बैठकबाट पारित गरी सबै मन्त्रालय, विभाग र सम्बद्ध निकायलाई कार्यान्वयनका लागि निर्देशन दिनेगरी तयारी गरिएकाे छ ।'
कार्ययाेजनामा उल्लेख भएअनुरुपकाे कार्य गर्न प्रदेश र स्थानीय सरकारलाई समेत समन्वयमा राखी, ती तहलाई अनुराेध गरिएकाे र निरन्तर समन्वय भइरहेकाे बताउनुभयाे ।
यस वर्ष विपद्बाट करिब ११ लाख १ हजार नागरिक र ४ लाख घर १२ हजार घरधुरी कुनै न कुनै रुपमा प्रभावित हुने आँकलन गरिएकाे उहाँले बताउनुभयाे ।
मनसुनजन्य विपद्बाट ८३ हजार घरपरिवार प्रत्यक्ष प्रभावित हुन सक्ने र १८ हजार घरपरिवारलाई मनसुनजन्य विपद्मा उद्धार र राहत दिनुपर्ने आँकलन गरिएकाे गृहमन्त्री लामिछानेले बताउनुभयाे ।
