राष्ट्रिय जनमोर्चाका अध्यक्ष तथा सांसद् चित्रबहादुर केसीले सहकारी ठगहरुलाई जाेगाउनकै लागि संसदीय छानबिन विशेष समिति बनाइएकाे आराेप लगाउनुभएकाे छ ।
बिहीबार बसेकाे प्रतिनिधि सभा बैठककाे विशेष समयमा बाेल्दै अध्यक्ष केसीले सहकारी ठगहरुलाई जाेगाउन र टालटुल गर्न समिति बनाइएकाे आराेप लगाउनुभयाे ।
राज्यसत्तामा भएकाहरूले नै सहकारीको रकम लुटेकाले निष्पक्ष छानबिन नहुने दाबी उहाँले गर्नुभयाे । 'याे जुन सहकारी समिति बनेकाे छ याे त नवाैं हाे, आठाैंसम्म विभिन्न प्रतिवेदनहरु आउँछन् ती कता फाल्छन् फाल्छन्, किनभने कार्यान्वयन गर्ने मानिस नै सत्तामा बसेका छन्, सत्तामा बसेकाले नै लुटपाट गरेका छन्, एकथरीले सहकारी हिनामिना गर्ने र अर्काेथरी भएकाे भए न पीडितले न्याय पाउने हाे, अहिले जुन सहकारी समिति बनेकाे छ याे टालटुल गर्न हाे, सहकारी पीडकलाई जाेगाउन हाे, चाेरलाई चाैताराे सादुलाई सुली भनेझैं हाे'- अध्यक्ष केसीले भन्नुभयाे ।
सहकारी ठगहरु राज्यकाे संरक्षणमै लुकेर बसेका समेत उहाँले बताउनुभयाे । 'लाेकतन्त्र र गणतन्त्र प्राप्तिकाे आन्दाेलनमा जुन किसान मजदूरहरुले साथ दिए हाम्राे अहिलेकाे राज्य सत्तामा रजाँइ गर्ने कमरेडहरुलाई, उहाँहरुले जम्मा गरेकाे सहकारीकाे रकम अपचलन भयाे, सहकारी पीडितले प्रधानमन्त्री पाेखरा जाँदा खाइनखाइ जम्मा गरेकाे पैसा टाठाबाँठाले खाए तिनीहरु कुनै कुनामा ढुक्कसँग लुकेर बसेका छन् भनेर विनम्रपूर्वक बिन्ती पत्र बुझाए, ढाेरपाटनका सहकारीका सञ्चालक पनि भूमिगत छन्, यी सबैलाई राज्य सत्ताले संरक्षण गरेकाे छ'- अध्यक्ष केसीले भन्नुभयाे ।
सहकारी कसले लुटेकाे छ ? रकम हिनामिना गरेकाे छ ? भन्ने कुरा यहाँ रहेका सबै सांसद्लाई थाहा भएकाे दाबी उहाँले गर्नुभयाे । राज्यसत्तामा रजाइँ भएकाहरुले नै सहकारीकाे रकम अपचलन गरिरहेका आराेप अध्यक्ष केसीले लगाउनुभयाे । सरकारले सहकारी पीडितकाे कुरा सुन्नुपर्नेमा उल्टै उनीहरुमाथि प्रहार गरिरहेका आराेप पनि उहाँले लगाउनुभयाे ।
लडेर ल्याएकाे लाेकतन्त्रकाे फाइदा मुठ्ठिभरकाले उठाइरहेका भन्दै अध्यक्ष केसीले संगठित भएर यसविरुद्ध आवाज उठाउनुपर्ने बताउनुभयाे । लाेकतन्त्र र गणतन्त्र आफैंमा नराम्राे नभएकाे भन्दै उहाँले राज्य सत्तामा बस्नेहरुकै कारण लाेकतन्त्र र गणतन्त्रप्रति नागरिककाे वितृष्णा पैदा भएकाे बताउनुभयाे ।
