काठमाडाैं । राष्ट्रिय प्रजातन्त्र पार्टी (राप्रपा) का प्रमुख सचेतक ज्ञानबहादुर शाही (ज्ञानेन्द्र) ले प्रधानमन्त्री पुष्पकमल दाहाल प्रचण्डलाई भारतले मुख्यमन्त्रीलाई जति मात्रै सम्मान दिएकाे टिप्पणी गर्नुभएकाे छ ।
मंगलबार बसेकाे प्रतिनिधि सभा बैठककाे आकस्मिक समयमा बाेल्दै सांसद् शाहीले भारतले प्रधानमन्त्री प्रचण्डलाई गरेकाे सम्मान देख्दा कुनै प्रदेशकाे मुख्यमन्त्रीलाई सम्मान गरेकाे जस्ताे देखिएकाे बताउनुभयाे ।
देशकाे प्रतिनिधित्व गरेर गएका प्रधानमन्त्रीलाई भारतले खासै सम्मान नदिएकाे भन्दै उहाँले यसबारे सदनमा जानकारी गराउन प्रधानमन्त्री प्रचण्डकाे ध्यानाकर्षण गराउनुभयाे ।
परराष्ट्र नीतिमा राजा महेन्द्र बलियाे खम्बा भएकाे प्रमुख सचेतक शाहीले बताउनुभयाे । 'हिमालय पर्वतमा जन्मिने मान्छेले संसारभरि ज्ञानकाे ज्याेति फैलाउँछन् भन्ने स्पष्ट देखिएकाे छ, हाम्राे देशकाे परराष्ट्र नीति पञ्चशीलका आधारमा बनेकाे छ, परराष्ट्र नीतिमा बलियाे खम्बा काेही हाे भन्याे भने राजा महेन्द्रकाे नाम आउँछ, तर हाम्राे देशकाे प्रधानमन्त्री भारत भ्रमण गर्नुहुन्छ, उहाँ व्यक्तिगत रुपमा पुष्पकमल दाहालका रुपमा नगएर, सम्माननीय नेपालकाे प्रधानमन्त्रीकाे हैसियतले भारत जानुहुन्छ, भारतले गर्ने आत्सम्मान त्याे प्रधानमन्त्रीलाई गरेकाे आत्सम्मान हाे कि सिंगाे नेपाललाई गरेकाे हाे ? त्याे सम्मान हेर्दा यस्ताे लाग्छ कि कुनै प्रदेशकाे मुख्यमन्त्री भारत गइरहेछन् त्यहाँकाे प्रधानमन्त्रीकाे शपथमा हाजिर लगाइरहेछन्'- उहाँले भन्नुभयाे ।
उता भारतले न्यून स्तरकाे सम्मान दिने तर यता नेपालमा सवारीसहितकाे तामझान हुने गरेकाे शाहीले बताउनुभयाे ।
उहाँले गिरिबन्धु टी-स्टेट लगायत फाइल उपप्रधान तथा गृहमन्त्री रवि लामिछानेसँग माग गर्नुभयाे। प्रमुख सचेतक शाहीले जिबि राई कहाँ छ किन नपक्रिएकाे भन्दै गृहमन्त्रीलाई प्रश्न गर्नुभयाे ।
