काठमाडाैं । नेपाली कांग्रेसका सांसद् तेजुलाल चौधरीले नेपालबाट विद्यार्थी पलायन रोक्न सरकारकाे ध्यानाकर्षण गराउनुभएकाे छ ।
मंगलबार बसेकाे प्रतिनिधि सभाको बैठकमा बजेटमाथिकाे मन्त्रालयगत छलफलमा बोल्दै सांसद् चौधरीले कक्षा १२ काे परीक्षा दिनासाथ विद्यार्थीहरु युराेप अमेरिका लगायत देशमा पलायन हुने क्रम बढेकाे बताउनुभयाे ।
ती विद्यार्थीलाई स्वदेशमै राेक्ने याेजना अहिलेसम्म नबनेकाे उहाँले बताउनुभयाे । 'कक्षा १२ को जाँच दिने बित्तिकै हाम्रा विद्यार्थीहरू विदेश पलायन हुन थालेका छन्, अमेरिका भेट्यो भने अमेरिका, अष्ट्रेलिया भेट्याे भने अष्ट्रेलिया, क्यानडा भेट्याे भने क्यानडा, अन्तिममा जापान त छँदैछ, दक्षिण कोरिया छँदैछ, यसरी हाम्रा विद्यार्थीहरू पलायन भइरहेका छन्, विद्यार्थीहरुलाई स्वदेशमै राेक्नका लागि हामीले केही व्यवस्थापन गर्न सकेका छैनौँ'- सांसद् चाैधरीले भन्नुभयाे ।
नेपालमा शिक्षाकाे अवस्था कमजाेर हुँदै गइरहेकाे उहाँले बताउनुभयाे । शिक्षाका लागि जग बलियाे हुने भन्दै सांसद् चाैधरीले प्राविधिक मात्र नभएर प्राथमिक विद्यालयलाई दरबन्दी, तालिम र भाैतिक पूर्वाधारकाे व्यवस्था गर्नुपर्ने बताउनुभयाे ।
काठमाडाैंमा मात्रै विद्यालयकाे दरबन्दी धेरै भएकाे भन्दै उहाँले चाँडाे भन्दा चाँडाे दरबन्दी मिलान गर्न पनि सरकारकाे ध्यानाकर्षण गराउनुभयाे ।
सामुदायिक विद्यालयलाई राम्राे बनाउन प्रधानाध्यापककाे भूमिका महत्वपूर्ण हुने भन्दै सांसद् चाैधरीले ५ भत्ता दिएर नपुग्ने बताउनुभयाे । उहाँले प्रधानाध्यापककाे भत्ता बढाउन पनि सरकारकाे ध्यानाकर्षण गराउनुभयाे ।
विद्यार्थीहरु बीचमै विद्यालय उमेरमै विद्यालय छाेडेर श्रमतिर लाग्ने क्रम बढेकाे भन्दै सांसद् चाैधरीले याे क्रम राेक्नुपर्ने बताउनुभयाे । नेपालमा १६ वटा विश्वविद्यालयको कुनै औचित्य नभएको भन्दै उहाँले यसमा सरकारकाे ध्यान जानुपर्ने बताउनुभयाे ।
