काठमाडाैं । सत्तारुढ नेकपा एमालेकी सांसद् ईश्वरी घर्तीले राष्ट्रिय आप्रवासन नीति बनाउने कुरामा गम्भीर बन्न सरकारकाे ध्यानाकर्षण गराउनुभएकाे छ ।
मंगलबार बसेकाे प्रतिनिधि सभा बैठकमा बजेटमाथि मन्त्रालयगत छलफलमा भाग लिँदै सांसद् घर्तीले अहिलेसम्म पनि राष्ट्रिय आप्रवासन नीति नै बन्न नसक्नु दु:खद कुरा भएकाे बताउनुभयाे ।
नेपालीहरुकाे रेमिट्यान्सले देश चलिरहेकाे भन्दै उहाँले राष्ट्रिय आप्रवासन नीति बनाउन सरकारसँग माग गर्नुभयाे । 'याे देश हाम्राे आप्रवासीहरुले पठाएकाे रेमिट्यान्सकाे भरमा चलिरहेकाे छ, तर पनि विणम्बना भन्नुपर्छ हाम्राे देशमा अहिलेसम्म पनि राष्ट्रिय आप्रवासन नीति नै बन्न सकेकाे छैन याे निक्कै दु:खद कुरा हाे, तसर्थ हाम्रा लाखाैं आप्रवासी श्रमिककाे हितलाई मध्यनजर गर्दै कम्तिमा राष्ट्रिय आप्रवासन नीति बनाउने कुरामा श्रम मन्त्रालय गम्भीर बनाेस्'- सांसद् घर्तीले भन्नुभयाे ।
उहाँले दिवा खाजा कार्यक्रमलाई कक्षा १० सम्म विस्तार गर्नुपर्ने बताउनुभयाे । सरकारले अहिलेकाे बजेटमै दिवा खाजा कार्यक्रम कक्षा १० सम्म विस्तार गर्नुपर्ने नीति लिनुपर्नेमा नलिएकाे भन्दै सांसद् घर्तीले यसअघि कक्षा ६ सम्म भएकाे कार्यक्रम विस्तार गर्नुपर्नेमा उल्टै कक्षा ५ सम्म मात्र कायम गरिनु दु:खद भएकाे बताउनुभयाे ।
शिक्षक व्यवस्थापनमा ध्यान दिन आग्रह गर्दै उहाँले शिक्षककाे सेवा सुविधा निक्कै कम भएकाे बताउनुभयाे । एउटा मावि शिक्षककाे तलब निजामती सेवातिर एउटा कार्यालय सहयाेगीले पाउने तलब भन्दा कम भएकाे भन्दै सांसद् घर्तीले याे असमानता हटाउँदै शिक्षकका सेवा सुविधा बढाउन शिक्षा विज्ञान तथा प्रविधिमन्त्री सुमना श्रेष्ठकाे ध्यानाकर्षण गराउनुभयाे ।
मदन भण्डारी विज्ञान तथा प्रविधि विश्वविद्यालय र विदुषी याेगमाया आयुर्वेद विश्वविद्यालयलाई १ लाख रुपैयाँ बजेट विनियाेजन गरिएकाे भन्दै उहाँले यसले विश्वविद्यालय कसरी सञ्चालन हुन्छ भन्ने प्रश्न गर्नुभयाे । नेपाल विश्वविद्यालयका लागि ३० लाख बजेट छुट्याइएकाे भन्दै उहाँले हचुवाका भरमा यस्ता याेजना नछान्न सांसद् घर्तीले आग्रह गर्नुभयाे । 'याे कतिसम्म न्यायसंगत कुरा हाे, उहाँहरुप्रतिकाे सम्मान हाे कि अपमान ? तसर्थ यस्ता कुरा हचुवाका भरमा नगर्न शिक्षमन्त्रीकाे ध्यानाकर्षण गराउँछु, यसमा घाेर आपत्ति व्यक्त गर्न चाहान्छु, नेपाल विश्वविद्यालयका लागि ३० बजे विनियाेजन भएकाे छ, ३० लाखले एउटा विश्वविद्यालय कसरी बन्छ ? तसर्थ यस्ता कुरालाई नीति तथा कार्यक्रम र बजेटमा समेट्ने हाे भने कम्तिमा पर्याप्त हुनेगरी बजेट विनियाेजन गराैं, याे लज्जास्पद तरिकाले बजेट विनियाेजन नगराैं' - उहाँले भन्नुभयाे ।
गाँजा खेतीका लागि हावापानी र भूगाेलका विषय राेल्पा उपयुक्त जिल्ला भएकाे भन्दै उहाँले गाँजा खेतीकाे पाइलट प्राेजेक्टका रुपमा राेल्पा जिल्लालाई छान्न माग गर्नुभयाे ।
बजेटकाे मन्त्रालयगत विनियाेजन हेर्दा मन्त्रीहरुका लागि मात्रै याेजना छानेकाे देखिएकाे भन्दै सांसद् घर्तीले त्यसाे गर्नु भनेकाे नीतिगत भ्रष्टाचार भएकाे बताउनुभयाे ।
