काठमाडौं । प्रतिनिधि सभा सदस्य विश्वप्रकाश शर्माले विपद् हुन अघि नै सबै तयारीमा जुट्नु पर्ने बताउनुभएको छ ।
बिहीबार प्रतिनिधि सभा बैठकको शून्य समय बोल्दै शर्माले विपद् पछिको विज्ञप्ति र ध्यानाकर्षण भन्दा विपद् अगाडिको पूर्वतयारी नै महत्त्वपूर्ण हुने बताउनुभयो । ‘वर्षाको समयमा हाम्रो देशमा तीनवटा दृश्य देखिने गरेको छ, पहिलो बाढी पहिरो, दोस्रो आपतकालीन बैठकहरू, तेस्रो दलहरूको वक्तव्य अनि संसदमा सांसदहरूको ध्यानाकर्षण, यसपालि दृश्य बदलौँ, ध्यानाकर्षणको लागि बाढी नकुरौँ, बाढी पछि बैठकमा होइन उद्धारमा जुटौँ’, शर्माले भन्नुभयो ।
शर्माले गाउँघरमा आगलागी हुँदा मानिसहरू बैठक बस्ने होइन पानी खोज्न जाने कुरा उहाँले स्मरण गर्नुभयो । राज्यले पनि त्यसलाई अनुसरण गर्नुपर्नेमा उहाँले जोड दिनुभयो ।
शर्माले प्राकृतिक स्रोतको अत्यधिक विनाशले नेपाल पर्यावरणीय जोखिममा परेको उहाँले बताउनुभयो । त्यसैले यसको संरक्षणमा नेपालको ध्यान जानु पर्नेमा उहाँले जोड दिनुभयो ।
