शून्य, आकस्मिक र विशेष समयमा सांसदले उठाएका विषयमा सरकारको ध्यान जाओस् : सभामुख

काठमाडौं । प्रतिनिधि सभामा सांसदहरूले उठाएका सवालको सुनुवाइ नभएको सांसदहरूले गुनासो गरेपछि सभामुखले ती विषयमा सरकारको ध्यानाकर्षण गराउनुभएको छ ।

शुक्रबारको प्रतिनिधि सभा बैठकमा सभामुख देवराज घिमिरेले सांसदहरूले उठाएका विषयप्रति सरकारको ध्यानाकर्षण गराउनुभयो । सभामुख घिमिरेले शून्य, आकस्मिक र विशेष समयमा सांसदहरूले उठाएका विषयहरूप्रति सरकारको ध्यानाकर्षण गराउनुभएको हो । ‘यहाँहरूले सदनमा शून्य, आकस्मिक एवं विशेष समयमा उठाउनुभएका विषयहरूप्रति नेपाल सरकारको ध्यानाकर्षण गराउन चाहन्छु’, घिमिरेले भन्नुभयो ।