काठमाडौं । प्रतिनिधि सभा सदस्य स्वर्णिम वाग्लेले सामाजिक सुरक्षा भत्ताको लागि राष्ट्रिय परिचयपत्र अनिवार्य पार्दा नागरिकले सास्ती पाएको बताउनुभएको छ ।
बिहीबार प्रतिनिधि सभा बैठकको शून्य समयमा बोल्दै वाग्लेले राष्ट्रिय परिचयपत्र आफैमा राम्रो काम भए पनि एकैचोटी सामाजिक सुरक्षा भत्ताको लागि अनिवार्य गर्दा सेवाग्राहीलाई मार परेको बताउनुभयो । अहिले राष्ट्रिय परिचयपत्र बनाउनेको भिड थामिनसक्नु अवस्थामा रहेको उहाँले सुनाउनुभयो ।
राष्ट्रिय परिचयपत्र वितरण कार्यलाई सहजा बनाउन र पर्याप्त सूचना प्रवाह गर्न उहाँले माग गर्नुभयो ।
