काठमाडाैं । नेकपा एमालेका सांसद् सुहाङ नेम्वाङले इलाम जिल्ला अस्पतालमा भवन बनाइदिन र रिक्त दरबन्दीमा तत्काल विशेषज्ञ चिकित्सक पठाउन सरकारसँग माग गर्नुभएकाे छ ।
बिहीबार बसेकाे प्रतिनिधि सभा बैठककाे शून्य समयमा बाेल्दै सांसद् नेम्वाङले दरबन्दीअनुसार चिकित्सक नहुँदा अस्पतालकाे सेवा प्रवाहमा समयस्या भएकाे बताउनुभयाे ।
१४ जना विशेषज्ञ चिकित्सककाे दरबन्दी रहेकाे इलाम जिल्ला अस्पतालमा ३ जना मात्र नियुक्त भएकाे र ११ जनाकाे पद रिक्त रहेकाे भन्दै उहाँले ३ जनामध्ये पनि १ जना अध्ययन बिदामा बस्दा इलामेली जनताले आधारभूत स्वास्थ्य सेवा पाउन नसकेका बताउनुभयाे ।
सामान्य उपचारका लागि झापा झर्नुपर्ने वाध्यता इलामेली जनतामा रहेकाे सांसद् नेम्वाङले बताउनुभयाे । 'अस्पतालमा भेन्टिलेटर आयुसियु लगायत सेवाका लागि उपकरण छन्, तर दक्ष जनशक्ति अभावमा उपकरण बिग्रिएर जाने अवस्थामा छन्, अस्पतालकाे भवन पनि जिर्ण अवस्थामा छ, सामान्य उपचारका लागि पनि झापा झर्नुपर्ने वाध्यता छ, अस्पताललाई सुविधासम्पन्न बनाउन सके इलाम मात्र हाेइन छिमेकी जिल्ला ताप्लेजुङ, पाँचथर र तेह्रथुमका जनताका लागि उत्तिक्कै उपयाेगी हुने थियाे, त्यसकारण इलाम जिल्ला अस्पतामा विशेषज्ञ चिकित्सकहरुकाे दरबन्दी अनुसारकाे पदपूर्ति र भवन निर्माणका लागि सरकारकाे ध्यानाकर्षण गर्दछु'- उहाँले भन्नुभयाे ।
