काठमाडाैं । प्रमुख प्रतिपक्षी नेपाली कांग्रेसका महामन्त्री तथा सांसद् विश्वप्रकाश शर्माले देशलाई गितेन्द्रबाबु (जीबी) राईकाे लाेकेशन नभएर स्वयंम् जिबी राई चाहिएकाे बताउनुभएकाे छ ।
आइतबार बसेकाे प्रतिनिधि सभा बैठककाे सुरुमै बाेल्दै सांसद् शर्माले उपप्रधान तथा गृहमन्त्री रवि लामिछानेले जिबी राईकाे लाेकेशन पत्ता लागिसक्याे भनेर स्टनन्टबाजी गरिरहेकाे बताउनुभयाे ।
देशकाे गृहमन्त्रीले गाेप्य सूचना सार्वजनिक गर्ने तर जिबी राईलाई पक्राउ गर्नका लागि कुनै कदम नचाल्नु दु:खद भएकाे उहाँले बताउनुभयाे । 'असार ६ गते माननीय गृहमन्त्रीजीले चितवन पुगेर भन्नुभयाे म मलेसियाका गृहमन्त्रीसँग सम्पर्कमा छु, जिबी राईकाे लाेकेशन पत्ता लागिसक्याे भनेर, एउटा फरार अभियुक्तकाे कहाँ छन् भनेर देशले खाेजिरहेका बेला अर्काे देशका गृहमन्त्रीले हामीले लाेकेट गरिसक्याैं भन्छन्, नेपालका गृहमन्त्रीसँग कुरा भयाे भनेर सामाजिक सञ्जालमा लेख्छन्, गाेप्य कुरा खाेल्दैनन्, तर हाम्रा गृहमन्त्रीले राजपत्रमा सूचना प्रकाशन गर्नबाहेक मिडियामा बिस्कुन लगाउनुहुन्छ'- सांसद् शर्माले भन्नुभयाे ।
गाेरखा मिडियाका तत्कालीन २ मालिकमध्ये जिबी फरार रहेकाे र एक जना गृहमन्त्री भएकाे कुरा संसारलाई थाहा भएकाे भन्दै उहाँले जिबी राईको लोकेशन पत्ता लाग्यो भनेर गृहमन्त्री लामिछानेले राईलाई भगाउन खाेजेकाे आशंका गर्नुभयाे । सहकारी ठगीमा फरार भएकाे व्यवसायिक साथीलाई सहकारी ठगीमै अनुसन्धानकाे दायरामा रहेका गृहमन्त्रीले गिरफ्तार गर्नुपर्ने अवस्था रहेकाे भन्दै बताउँदै शर्माले प्रश्न गर्नुभयाे - 'त्यसैले लाेकेशन पत्ता लागिसक्याे भनेर माइकबाटै फुक्नुकाे अर्थ के हुन्छ ? अभियुक्त पक्रने याे नयाँ शैली हाे ? केटाकेटीपन हाे ? कि भगाउने नियत हाे ?'
लाेकेशनमा गेट बनाएर र कार्पेट ओछ्याएर बल्ल दुईपक्षीय वार्ता हुने हाे ? भन्ने प्रश्न सांसद् शर्माले बताउनुभयाे । गृहमन्त्री लामिछानेले लाेकेशन पत्ता लाग्याे भनेकाे ४ दिन भएकाे तर अहिलेसम्म जिबी राई पक्राउ नपरेकाे भन्दै उहाँले राई कहिले पक्राउ पर्छन् भन्दै प्रश्न गर्नुभयाे । प्रतिपक्षका रहँदा किन यति धेरै दिन लाग्छ भनेर प्रश्न गर्ने गृहमन्त्री लामिछानेले अहिले पदमा हुँदा जिबी राई पक्राउ गर्न पहल नगरेकाे सांसद् शर्माले बताउनुभयाे ।
जिबी राईलाई ल्याउन कठिन भएकाे तर असम्भव नभएकाे उहाँले बताउनुभयाे । मलेसियाकाे सुर्पुरदर्गी सन्धिअनुसार राईलाई समन्वय गरेर नेपाल ल्याउन सकिने भन्दै सांसद् शर्माले त्यसका लागि पहल गर्नुकाे सट्टा देशकै गृहमन्त्रीले प्रचारबाजी गर्दै हिँड्नु उचित नहुने बताउनुभयाे ।
सुशिल काेइराला प्रधानमन्त्री हुँदा चितवकाे राजकुमार चेपाङलाई मलेसियन सरकारसँग समन्वय गरेर नेपाल ल्याइएकाे उहाँले स्मरण गराउनुभयाे । त्यसकारण जिबी राईलाई ल्याउन सुपुरदर्गी सन्धि नचाहिने सांसद् शर्माले बताउनुभयाे ।
