काठमाडाैं । उपप्रधान एवं गृहमन्त्री रवि लामिछानेले देशमा भएका विभिन्न अनियमिततासम्बन्धी घटनाको अनुसन्धान गर्न शक्तिशाली आयोग बनाइने बताउनुभएको छ ।
साेमबार बसेकाे प्रतिनिधि सभा बैठकमा विनियोजन विधेयक अन्तर्गत आफ्नाे मन्त्रालयसँग सम्बन्धित विनियोजन शीर्षकमाथिको छलफलमा उठेका प्रश्नको जवाफ दिँदै गृहमन्त्री लामिछानेले विगतमा भएका २५ वटा काण्डको फाइल तयार गर्न बजेट पारित भएकाे २ महिनाभित्र शक्तिशाली आयोग बनाइने बताउनुभयो ।
गृहमन्त्री लामिछानेले नक्कली भुटानी शरणार्थी प्रकरणकाे फाइल फेरि खाेल्ने तयारी भइरहेकाे, सुनकाण्डकाे फाइल खाेलेकाे, बाल मन्दिरसहित स्काउट र बाँसबारीको जग्गाको फाइल बन्द नभएकाे उहाँले बताउनुभयाे ।
टीकापुरको फाइल खुलेकाे, बृहत् जनकपुरको ९ हजार बिघा जग्गाको फाइल तयार हुने क्रममा रहेकाे र पतञ्जली आयुर्वेदको फाइल पनि आजैबाट खुलेको उहाँले जानकारी दिनुभयाे ।
छाउपडी प्रथा अन्त्यका लागि समिति गठन गरिने गृहमन्त्री लामिछानेले बताउनुभयाे । छाउपडी प्रथाको अन्त्यका लागि विगतमा भएका अध्ययन, अनुसन्धान र विज्ञहरुसँग सल्लाह लिइ समितिले दिएको सुझाव र प्रतिवेदनका आधारमा नीति बनाइने उहाँले बताउनुभयाे ।
निर्मला पन्तको हत्या गर्ने व्यक्ति पत्ता लगाउने काम भइरहेको गृहमन्त्री लामिछानेले बताउनुभयाे । उहाँले गिरिबन्धु टी-स्टेटको अनुसन्धानसँगै हरेक कालखण्डका भ्रष्टाचारकाे छानबिन हुने बताउनुभयाे ।
