काठमाडाैं । प्रधानमन्त्री पुष्पकमल दाहाल प्रचण्डले राजदूत नियुक्तिमा कुनै कमी भए सच्याइने प्रतिबद्धता जनाउनुभएकाे छ ।
मंगलबार बसेकाे प्रतिनिधि सभा बैठकमा परराष्ट्र मन्त्रालय अन्तर्गतकाे विनियाेजन शीर्षकमा सांसद्ले उठाएका प्रश्नकाे जवाफ दिने क्रममा प्रधानमन्त्री प्रचण्डले याेग्य व्यक्तिलाई नै राजदूत नियुक्त गरिने बताउनुभयाे ।
आफूले समीकरणमा रहेका दललाई याेग्य व्यक्तिकाे नाम दिन आग्रह गरेकाे बताउँदै उहाँले भन्नुभयाे - 'यदि केही कमी रहेछ भने सच्याइन्छ, मेरिटकै आधारमा याे अगाडि बढाेस् भन्ने धारणा छ ।'
सरकार परिवर्तन हुनासाथ राजदूत फिर्ता बाेलाउने परम्परा पुरानै भएकाे प्रधानमन्त्री प्रचण्डले बताउनुभयाे । राजनीतिकबाट ५० र परराष्ट्र सेवाबाट ५० प्रतिशत राजदूत नियुक्ति गरिने प्रचलन रहेकाे स्मरण गराउँदै उहाँले राजनीतिक नियुक्तिमा नियुक्त भएका राजदूतलाई फिर्ता बाेलाइएकाे प्रष्ट पार्नुभयाे ।
राजदूत नियुक्तिमा कुनै कमी भए सच्याइने प्रधानमन्त्री प्रचण्डले बताउनुभयाे । 'राजनीतिक नियुक्तिमा गएकाहरुलाई मात्र फिर्ता बाेलाउने प्रचलन छ, परराष्ट्र सेवाबाट गएकाहरु पूरै अवधिभर बस्छन्'- उहाँले भन्नुभयाे ।
सरकार परिवर्तन हुँनासाथ एक सातामै राजदूत फिर्ता बाेलाउने परम्परा रहेकाे स्मरण गराउँदै प्रधानमन्त्री प्रचण्डले लगानी सम्मेलन, देशकाे राजनीतिक र आर्थिक परिस्थिति हेरेर ३ महिना तीनै राजदूतलाई राखिराखेकाे र अहिले मात्र फिर्ता बाेलाउने निर्णय भएकाे बताउनुभयाे ।
मुलुकको सर्वोपरि हित हुनेगरी विदेशस्थित कूटनीतिक नियोग परिचालन हुने उहाँले बताउनुभयाे । आफू समीकरणमा हुँदा भागबण्डा नहुने र समीकरणमा नहुँदा भागबण्डा हुने भन्ने भाष्य गलत भएकाे प्रधानमन्त्री प्रचण्डले बताउनुभयाे । उहाँले भन्नुभयाे - 'सत्ता समीकरणमा त प्राय सबैछाैं कुनै न कुनै रुपमा, आफू समीकरणमा हुँदा भागबण्डा नहुने र अर्काे समीकरण भयाे भने हुने भन्ने भाष्य उचित र नैतिक भाष्य हुन्छ जस्ताे लाग्दैन ।'
उहाँले नेपाल भारत प्रबुद्ध व्यक्ति समूह (ईपीजी) काे प्रतिवेदन बुझ्ने प्रयास भइरहेकाे बताउँदै उहाँले भन्नुभयाे - 'समझदारीबाटै ईपीजी प्रतिवेदन बुझ्ने पहल भइरहेको छ ।'
रुसी सेनामा गएकाहरुलाई फिर्ता ल्याउने पहल भइरहेकाे प्रधानमन्त्री प्रचण्डले बताउनुभयाे । उहाँले भन्नुभयाे - 'दुवै तर्फका दूतावास र सम्बन्धित सबै पक्षसँग छलफल भइरहेकाे छ, युक्रेनमा समातिएकाहरुलाई छुटाउन पनि पहल भइरहेकाे छ ।'
नेपाल कुनै पनि ऋणकाे माखेसांग्लाेमा नपर्ने विश्वास दिलाउँदै उहाँले अनुदानकै आधारमा परियाेजनाहरु अघि सारिने र बीआरआई परियाेजनाहरु पनि त्यसैगरी अघि बढाइने बताउनुभयाे ।
नेपालमा प्रधानमन्त्री प्रचण्ड रहेकाे टिप्पणी गर्दै उहाँले भन्नुभयाे - ' नेपालमा प्रधानमन्त्री छ कि छैन भन्ने सांसद् कहाँ हुनुहुन्छ ? नेपालमा प्रचण्ड भन्ने मान्छे प्रधानमन्त्री छ ।
