काठमाडाैं । उद्योग, वाणिज्य तथा आपूर्ति मन्त्री दामोदर भण्डारीले लगानी सहजीकरण सम्बन्धी केही नेपाल ऐनलाई संशोधन गर्ने विधेयक, २०८१ पर्याप्त छलफल गरेर मात्र पारित गरिने बताउनुभएकाे छ ।
मंगलबार बसेकाे प्रतिनिधि सभा बैठकमा लगानी सहजीकरण सम्बन्धी केही नेपाल ऐनलाई संशोधन गर्ने विधेयकमाथिकाे सैद्धान्तिक छलफलमा सांसद्ले उठाएकाे प्रश्नकाे जवाफ दिने क्रममा मन्त्री भण्डारीले पर्याप्त छलफल गरेर समयसीमाभित्रै साे विधेयक पारित गरिने बताउनुभयाे ।
विधेयकलाई समृद्ध बनाउन सरकार तयार रहेकाे उहाँले बताउनुभयाे । अध्यादेशबाट विधेयक संशाेधनकाे प्रस्ताव सरकारकाे इच्छा नभएकाे भन्दै मन्त्री भण्डारीले प्रतिनिधि सभाकाे अधिवेशन नभएकाले संवैधानिक व्यवस्था अनुसार विधेयक ल्याइएकाे प्रष्ट पार्नुभयाे । 'यसमा अझ पर्याप्त रुपमा छलफल आवश्यक ठान्दछु, संशाेधनमा पनि पर्याप्त छलफल गरेर यसलाई पारित गर्नेछाैं, यसमा सुधार गर्नुपर्ने पक्षहरु राजनीतिक तहमा महशुस गरे एेनलाई समृद्ध बनाउनुपर्ने कुरामा सरकार तयार छ, हतारमा ८ वटा एेनलाई अध्यादेशकाे माध्यमबाट बाटाे छलेर नयाँ ढंगले यसकाे आवश्यकता र औचित्य खाेजेका हाेइनाैं, यसलाई जबसम्म सबै दलकाे साझा संकल्पकाे माध्यमबाट तयार गर्न सक्दैनाैं यसले सार्थकता पाउँदैन ।'
विधेयकका लागि आवश्यक समन्वय गर्न सरकार तयार रहेकाे उहाँले बताउनुभयाे । विधेयकलाई समृद्ध बनाउन सांसद्का सुझाव महत्वपूर्ण रहेका भन्दै मन्त्री भण्डारीले साझा संकल्पमार्फत विधेयक पारित गर्नुपर्ने सांसद्हरुकाे प्रस्तावप्रति धन्यवाद दिनुभयाे ।
नेपालमा स्वदेशी र विदेशी अर्थात आन्तरिक र बाह्य दुवै लगानी आवश्यक रहेकाे भन्दै मन्त्री भण्डारीले लगानीकाे वातावरणका लागि सबैभन्दा पहिला कानुन आवश्यक रहेकाे बताउनुभयाे । साे विधेयकबाट ८ वटा एेन संशाेधन गरिएकाे मन्त्री भण्डारीले बताउनुभयाे । संशाेधनका लागि याे एेन मात्र पर्याप्त नरहेकाे भन्दै उहाँले याे सरकारकाे पहिलाे प्रयास भएकाे बताउनुभयाे ।
देशमा ३ वटा लगानी सम्मेलन आयाेजना गर्दा लगानीकाे उपयुक्त वातावरण नबनेकाे हाे कि भन्ने महशुस भएकाे मन्त्री भण्डारीले बताउनुभयाे ।
