काठमाडाैं । प्रतिनिधि सभाकाे सार्वजनिक लेखा समितिले भैरहवाकाे गौतमबुद्ध अन्तर्राष्ट्रिय विमानस्थल र पोखराकाे अन्तर्राष्ट्रिय विमानस्थलको अध्ययन र छानबिन गर्न दुई वटा उपसमिति गठन गरेकाे छ ।
समितिले राष्ट्रिय गौरवको आयोजनाका रुपमा रहेका दुई अन्तर्राष्ट्रिय विमानस्थलको समग्र अध्ययन गर्न दुई वटा छुट्टाछुट्टै उपसमिति गठन गरेको हाे ।
समितिका सभापति ऋषिकेश पोखरेलका अनुसार पोखरा विमानस्थल निर्माणसम्बन्धी छानबिन गर्न राष्ट्रिय प्रजातन्त्र पार्टी (राप्रपा) का अध्यक्ष तथा सांसद् राजेन्द्रप्रसाद लिङ्देनको संयोजकत्वमा १२ सदस्यीय र गौतमबुद्ध विमानस्थलसम्बन्धी छानबिन गर्न नेकपा एमालेका सचिव तथा सांसद् योगेश भट्टराईको संयोजकत्वमा ८ सदस्यीय उपसमिति गठन गरिएको छ ।
दुवै विमानस्थलकाे समग्र पक्षकाे अध्ययन गर्न दुवै उपसमितिलाई एक महिनाको समय दिइएको छ ।
