काठमाडाैं । नेपाली कांग्रेसकी सांसद् शान्ति विकले खाेटाङमा महिला तथा बालिका असुरक्षित रहेकाे भन्दै सरकारकाे ध्यानाकर्षण गराउनुभएकाे छ ।
साेमबार बसेकाे प्रतिनिधि बैठककाे आकस्मिक समयमा बाेल्दै सांसद् विकले जुनसुकै बेला पनि महिलाहरु समाजमा सुरक्षित छाैं भन्ने परिस्थिति कहिले बन्छ भन्ने प्रश्न गर्नुभयाे ।
खाेटाङमा १३ वर्षीया बालिकालाई बलात्कार गर्ने शिक्षकलाई कडा भन्दा कडा कारबाही गर्न उहाँले सरकारकाे ध्यानाकर्षण गराउनुभयाे ।विद्यालय जस्तो पवित्र स्थलमा समेत बालिकाहरु सुरक्षित हुन नसकेका भन्दै कडा कानुनी व्यवस्था गर्न सांसद् विकले माग गर्नुभयाे । दुर्गा, काली सरस्वती पुज्ने ठाउँमा बलात्कार जस्ताे जघन्य अपराधले ठाउँ पाउनु भनेकाे नेपालकाे कानुनलाई नै चुनाैती दिएकाे उहाँले बताउनुभयाे ।
खाेटाङकाे राजापानीस्थित ज्याेति माविका शिक्षक शम्भुप्रसाद घिमिरेले साेही विद्यालयमा पढ्ने १३ वर्षीया बालिकामाथि बलात्कार गरेकाे भन्दै उहाँले यसले शिक्षा क्षेत्रमा बालिकाहरु असुरक्षित छन् भन्ने पुष्टि भएकाे बताउनुभयाे । सांसद् विकले कहिलेसम्म बालिकाहरु असुरक्षित हुने त्रासमा बाँच्ने भन्ने प्रश्न गर्नुभयाे ।
ती शिक्षकलाई आजिवन जेल सजाय, जरिवाना र आजिवन शिक्षण पेसाबाट प्रतिबन्ध लगाउन उहाँले माग गर्नुभयाे । पीडितलाई न्याय दिलाउन र समाजमा यस्ताे घटना नदाेरिनदिन कडा कदम चाल्न पनि सांसद् विकले सरकारकाे ध्यानाकर्षण गराउनुभयाे ।
