काठमाडाैं । नेपाली कांग्रेसका सांसद् दीपक गिरीले नेकपा एमालेका अध्यक्ष केपी शर्मा ओली र कांग्रेस सभापति शेरबहादुर देउवाबीच भएकाे भेटवार्ता र संवादले जनतामा आशाकाे सञ्चार भएकाे बताउनुभएकाे छ ।
साेमबार बसेकाे प्रतिनिधि सभा बैठककाे विशेष समयमा बाेल्दै सांसद् गिरीले चारैतिर निराशा फैलिएका बेला दुई शीर्ष नेताबीच भएकाे संवादले आशाकाे सञ्चार भएकाे बताउनुभयाे । 'चारैतिर निराशा फैलिएका बेला संसद्का दुई ठूला दल नेपाली कांग्रेस र नेकपा एमालेका शीर्ष नेताबीच सुरु भएकाे सघन संवादले आशाकाे सञ्चार गरेकाे छ'- उहाँले भन्नुभयाे ।
लाेकतन्त्रकाे रक्षा, राजनीतिक स्थितरता, सुशासन र संविधान संशाेधनका लागि एमाले र कांग्रेसबीच संवाद र सहकार्य आवश्यक रहेकाे सांसद् गिरीले बताउनुभयाे । निर्वाचन प्रणालीमा सुधार लगायत केही महत्वपूर्ण विषयमा संविधान संशाेधन गर्न छलफल आवश्यक रहेकाे भन्दै उहाँले संविधान संशाेधनका लागि सबै दलसँग गर्नुपर्ने
लाेकतन्त्रका लागि पटकपटक लडेका ठूला दलबीचकाे संवादबाट काेही पनि चिन्तित हुन आवश्यक नरहेकाे भन्दै सांसद् गिरीले यसलाई सकारात्मक लिन सबैलाई आग्रह गर्नुभयाे ।
