काठमाडाैं । शिक्षा विज्ञान तथा प्रविधिमन्त्री सुमना श्रेष्ठले त्रिभुवन विश्वविद्यालयको जग्गाबारे छानबिन समितिले छानबिन गरिरहेकाे बताउनुभएकाे छ ।
साेमबार बसेकाे प्रतिनिधि सभा बैठकमा सांसद्ले उठाएका प्रश्नकाे जवाफ दिँदै मन्त्री श्रेष्ठले त्रिविकाे जग्गा छानबिनका लागि सरकारले बनाएकाे समितिले काम गरिरहेकाे बताउनुभयाे ।
समितिलाई ३ महिनाकाे कार्यादेश दिएर सुरुमा त्रिवि र नैकापकाे जग्गा छानबिन गर्न भनिएकाे भन्दै उहाँले समितिले दिएकाे प्रतिवेदनका आधारमा सरकारले काम गर्नुपर्ने बताउनुभयाे ।
सरकारले त्रिभुवन विश्वविद्यालयको नाममा काठमाडौं उपत्यकाभित्र रहेको जग्गा तथा चल-अचल सम्पत्तिको खोजी गर्न पूर्व सचिव शारदाप्रसाद त्रितालको संयोजकत्वमा समिति गठन गरेकाे र समितिले जेठ २३ देखि पत्र बुझेर काम गरिरहेकाे मन्त्री श्रेष्ठले बताउनुभयाे ।
