काठमाडाैं । रास्वपाकी सांसद् विनिता कठायतले कर्णाली स्वास्थ्य विज्ञान प्रतिष्ठानमा नेपाली कांग्रेस निकट नेविसंघ र तरुण दलले हुलदंगा गरेर अशान्ति मच्चाएकाे भन्दै आपत्ति जनाउनुभएकाे छ ।
साेमबार बसेकाे प्रतिनिधि सभा बैठककाे आकस्मिक समयमा बाेल्दै सांसद् कठायतले १३ जिल्लामा सेवा प्रवाह गरिरहेकाे प्रतिष्ठानभित्र नेविसंघ र तरण दलका कार्यकर्ता पार्टीकाे झण्डा लिएर स्वास्थ्य जस्ताे संवेदनशील क्षेत्रभित्र हुलदंगा गरेकाे भन्दै खेद प्रकट गर्नुभयाे ।
सयाैं बिरामीकाे जीवनकाे उत्कृष्ट आशा लिएकाे अस्पताल क्षेत्र र सुगमकाे सुविधा छाडेर दुर्गम पुगेका स्वास्थ्यकर्मीहरुका अगाडि अमर्यादित र असभ्य रुपमा प्रस्तुत हुनु दलीय व्यवस्थाकै उपहास भएकाे उहाँले बताउनुभयाे । यसले सेवारत र उपचारत बिरामीकाे मनस्थितिमा गम्भीर चाेट पुर्याएकाे सांसद् कठायतले बताउनुभयाे ।
अस्पतालमा तालाबन्दी गर्न नपाइने, स्वाथ्यकर्मीलाई घेराउ, हातपात र अपमानजनक व्यवहार गर्न नपाइने कानुनी व्यवस्था रहेपनि कांग्रेसका कार्यकर्ताले प्रतिष्ठान घेराउ गर्ने तथा अमर्यादित काम गरेका उहाँले बताउनुभयाे । देश तथा विदेशबाट समेत आशा लिएर शिक्षा आर्जन गर्न खाेजिरहेकाे ठाउँलाई धमिल्याउन खाेजेर विकटकै मानककाे रुपमा रहेकाे अस्पतालको भविष्य धरापमा पारिएको सांसद् कठायतले बताउनुभयाे ।
युवा र विद्यार्थी देखाएर स्वयं कांग्रेस पार्टीका जुम्ला जिल्ला सचिवको नेतृत्वमा गएको टोलीले प्रतिष्ठानको शान्त वातावरण धमिल्याउन खोज्नु र अशान्ति मच्चाउनु कानुनविपरीत कदम भएकाे उहाँले बताउनुभयाे । उनीहरुलाई तत्काल कानूनी दायरामा ल्याउन र सेवामा खटिएका स्वास्थ्यकर्मी, कर्मचारीहरुको सुरक्षा प्रत्याभुति गर्न सरकारको सांसद् कठायतले सरकारकाे ध्यानाकर्षण गराउनुभयाे ।
