काठमाडौं । लगानी सहजीकरण सम्बन्धी केही नेपाल ऐनलाई संशोधन गर्ने विधेयक, २०८१ प्रतिनिधि सभाबाट पारित भएको छ ।
साेमबार बसेकाे प्रतिनिधि सभा बैठकमा उद्योग, वाणिज्य तथ आपूर्तिमन्त्री दामोदर भण्डारीले प्रस्तुत गरेको साे विधेयक बहुमतले पारित भएको हो ।
मन्त्री भण्डारीले प्रस्तुत गर्नुभएकाे लगानी सहजीकरण सम्बन्धी केही नेपाल ऐनलाई संशोधन गर्ने विधेयक, २०८१ लाई पारित गरियाेस् भन्ने प्रस्तावलाई निर्णयार्थ पेस गर्दै सभामुख देवराज घिमिरेले बहुमतले पारित भएकाे घाेषणा गर्नुभयाे ।
त्यसअघि बैठकले संशाेधन सांसद्हरु सरस्वती बजीमय, प्रेम सुवाल लगायतले राख्नुभएकाे संशाेधन प्रस्ताव बैठकले बहुमतले अस्वीकृत भएकाे थियाे । सांसद् तारा लामा तामाङ, रामकुमार राई, दामाेदर पाैडेल बैरागी लगायतले संशाेधन प्रस्ताव फिर्ता लिनुभएकाे थियाे ।
बैठकमा सांसद्हरुले उठाएका प्रश्नकाे मन्त्री भण्डारीले जवाफ दिनुभएकाे थियाे । मन्त्री भण्डारीले जवाफ दिने क्रममा स्वीकार गर्नुभएकाे संशाेधन पनि बैठकले बहुमतले स्वीकृत गरेकाे थियाे ।
