गण्डकी । गण्डकी प्रदेश सरकारको आर्थिक वर्ष २०८१/८२ को बजेट बहुमतले पारित भएको छ ।
यही असार १ गते गण्डकी प्रदेश सरकारका आर्थिक मामिलामन्त्री डा टकराज गुुरुङले गण्डकी प्रदेशसभामा प्रस्तुत गर्नुुभएको बजेट गण्डकी प्रदेशसभाको आजको बैठकले पारित गरेको हो ।
मन्त्री गुुरुङले आव २०८१/८२ का लागि ३२ अर्ब ९६ करोड ८५ लाखको बजेट प्रस्तुत गर्नुुभएको थियो । बजेटमध्ये चालुतर्फ १३ अर्ब १६ करोड, पाँच लाख ८२ हजार र पुँजीगततर्फ रु १९ अर्ब ५१ करोड ७९ लाख ९३ हजार रहेको छ ।
चालुतर्फ कूल विनियोजनको ३९ दशमलव ९१ प्रतिशत हो भने पुँजीगततर्फ कूल विनियोजनको ५९ दशमलव १९ प्रतिशत हो । यसअघि विभिन्न बैठकमा सदस्यहरूले बजेटका सम्बन्धमा आ–आफ्ना धारणा राख्नुुभएको थियो ।
-रासस
