काठमाडौं । प्रतिनिधि सभा सदस्य धवलशमशेर जबराले भारतले बाँधेको लक्ष्मणपुर बाँधका कारण बाँकेका धेरै बस्ती डुबानमा पर्ने गरेका बताउनुभएको छ ।
आइतबार प्रतिनिधि सभा बैठकमा आकस्मिक समय लिएर बोल्लदै राणाले वर्षाको बेलमा भारतले त्यहाँका गाउँ जोगाउन बाँधको ढोका थुनिदिँदा नेपालमा ठुलो क्षति हुने गरेको बताउनुभयो । वर्षाको बेलामा सो बाँधका सबै ढोका खुल्ला राखेर नेपाली गाउँलाई डुबान हुनबाट जोगाउने पहल गर्न उहाँले सरकारसँग माग गर्नुभयो । ‘त्यहाँका ढोका बन्द गरेपछि हाम्रा तीनवटा, चारवटा गाउँपालिका डुब्ने गर्छन्, भरतका जनतालाई बचाउन नेपालका गाउँका गाउँ डुब्ने गर्छ, भारतीय दूतावाससँग कुरा गरेर लक्ष्मणपुर बाँधका ढोका वर्षाको बेलमा सबै खुल्ला राख्न माग गर्दछु’, उहाँले भन्नुभयो ।
लक्ष्मणपुर बाँध मात्र होइन नेपालबाट बगेको पानी भारत तर्फ जान नदिन भारतले बाँध जस्तै गरी ड्याम बाँधेर सडक बनाएको कारण पनि नेपाली बस्ती डुबानमा पर्ने गरेका उहाँले बताउनुभयो । पानीको निकास हुने नदिने गरी भारतको तर्फबाट सडक निर्माण गरिएको प्रति उहाँले आलोचना गर्नुभयो ।
राणाले डुबानबाट जोगिन उच्चो ठाउँमा घर बनाएर बसेका मानिसहरूको घर वन विभागले भत्काउने काम गरेको भन्दै आलोचना गर्नुभयो । उच्चो जग्गामा घर बनाउनको लागि स्थानीयलाई जग्गाधनी पुर्जा दिनु पर्ने उहाँले माग गर्नुभयो ।
