काठमाडौं । प्रतिनिधि सभा सदस्य मोहन बस्नेतले विपतको बेलामा सबै आआफ्नो ठाउँमा जानु पर्ने बताउनुभएको छ ।
मंगलबार प्रतिनिधि सभा बैठकमा आकस्मिक समय लिएर बोल्दै बस्नेतले विपत् बेलमा प्रतिनिधि सभामा अनुपस्थित भएका सांसदहरूको अनुपस्थिति नजनाउन उहाँले सुझाव दिनुभयो ।
सरकारले तत्कालै केही गर्ने अवस्था नरहेकोले विपत्को बेलामा जसले जहाँ जे गर्न सक्छ त्यही गर्नुपर्नेमा उहाँले जोड दिनुभयो । ‘सरकारले तुरुन्त गर्छ भन्ने आशा छैन’, उहाँले भन्नुभयो ।
