काठमाडौं । प्रधानमन्त्री केपी शर्मा ओलीले भ्रष्टाचारी कसैलाई नछोडिने बताउनुभएकाे छ ।
प्रतिनिधिसभाको आइतबारको बैठकमा विश्वासको मत माग्ने क्रममा उनले प्रतिपक्षलाई लक्षित गर्दै जुनसुकै भ्रष्टाचारीलाई कानूनको दायरमा ल्याउने बताउनुभएकाे हाे ।
उहाँले भन्नुभयाे, ‘एउटा कुरा खुलस्त पार्न चाहन्छु दुनियाँका अगाडि सुन्ने गरी भन्न चाहन्छु, भ्रष्टाचार गर्दैनौं, भ्रष्टाचारीलाई छोड्दैनौं । भ्रष्टाचार र अख्तियार दुरूपयोगसँग जोडिएका विषयको छानविन तथा अनुसन्धान गर्छौं ।’
साथै उहाँले देशलाई तीव्र आर्थिक वृद्धिको दिशामा लैजान नेपाली कांग्रेस र नेकपा एमालेको सहकार्यमा नयाँ सरकार गठन भएको दाबी गरे ।उहाँले,‘देशमा व्याप्त गहिरो निरासा हटाउन, जनतामा आशा र उत्साहको सञ्चार गर्न अनि देशलाई तीव्र आर्थिक वृद्धिको दिशामा लैजान अहिलेको सरकार बनेको हो । यसमा सवै स्पष्ट हुनु भए हुन्छ ।’
प्रधानमन्त्री केपी शर्मा ओलीले एमाले र कांग्रेसले पटक पटक काँध हाल्दा समेत पुष्पकमल दाहाल प्रचण्ड नेतृत्वको सरकारले गति लिन नसक्दा संसदका दुई ठुला दल मिल्नुपरेको समेत बताउनुभएकाे छ ।
उहाँले भन्नुभयाे ‘म कसैप्रति व्यक्तिगत टिप्पणी गर्न चाहन्न । तर यति चाँही भन्छु कि नेपाली कांग्रेस र नेकपा एमालेले पटक पटक काँध हाल्दा समेत अघिल्लो सरकारले गति समात्न सकेन् । सरकारले थिति बसाल्न सकेन् । थिति बसाल्ने रुचि पनि राखेन । जसका कारण समाजमा अनेकन दुषित परिणाम निस्किने खतरा बढ्यो । त्यसलाई टुलटुल हेरेर बस्न सकेनौं ।’
एमाले र कांग्रेस प्रतिस्पर्धी पार्टी भएपनि खास समयमा सहकार्य गरेर परिणाम दिनेगरि काम गरेको बताउनुभयाे ।
‘नेपाली कांग्रेस र नेकपा एमाले प्रतिस्पर्धी पार्टी हौं । विचारमा प्रतिस्पर्धा गरेपनि खास समयमा सहकार्य गरेको र देशलाई परिणाम दिएकै हो । २००७ सालमा राणा शासन अन्त्यका लागि एक भएका थियौं । त्यसपछि पनि थुप्रै कालखण्डमा एक हुँदै आएका छौं,’उहाँको भनाइ छ ।
यस्ताे छ प्रधानमन्त्रीले विश्वासकाे मत माग्दै प्रस्तुत गर्नुभएकाे प्रस्तुतिकाे पूर्णपाठ:
