काठमाडौं । प्रतिनिधि सभा सदस्य सुनिता बरालले बरालले नयाँ बनेको सरकारसँग नेपाली जनताले आशा, विश्वास र भरोसा राखेका बताउनुभएको छ ।
मंगलबार प्रतिनिधि सभा बैठकमा बोल्दै बरालले सरकाले विकास र सुशासन दिने कुरामा नागरिकहरू आशावादी भएका बताउनुभयो । ‘नवगठित सरकार प्रति स्थायित्व सँगसँगै विकास, सुशासन र नेपाली जनताको समृद्धिको परिकल्पना गरिएको छ’, उहाँले भन्नुभयो ।
बरालले नेपाली नागरिकले सुखी जीवन र समृद्ध नेपालको परिकल्पना साथ यो सरकारको कामलाई नेपालीले कुरिरहेका बताउनुभयो । नवगठित सरकारका प्रधानमन्त्री र मन्त्रीहरूलाई यस कुरामा सफलता मिल्ने उहाँले विश्वास व्यक्त गर्नुभयो ।
उहाँले अहिलेको सरकारले विश्वविद्यालयलाई एकीकृत ढङ्गले सञ्चालन गर्ने विश्वास पनि उहाँले व्यक्ति गर्नुभयो । विश्व विद्यालय केवल प्रमाणपत्र वितरण गर्ने निकाय मात्र भएको बताउँदै उहाँले विश्वविद्यालयलाई विचार प्रवाह गर्ने थलो बनाउनु पर्नेमा जोड दिनुभयो । शिक्षा प्राप्त गर्दा पनि सिप प्राप्त नहुँदा नागरिकमा निराशा बढेको उहाँले बताउनुभयो । विद्यार्थीलाई सिपसँग जोड्ने कुरामा विश्वविद्यालयको ध्यान जानु पर्नेमा उहाँले जोड दिनुभयो ।
