काठमाडौं । प्रतिनिधि सभा सदस्य राजेन्द्र लिङ्देनले नियामक निकायको लापरबाहीको कारण सौर्य एयरलाइन्सको विमान दुर्घटनामा परेको बताउनुभएको छ ।
आइतबार प्रतिनिधि सभा बैठकमा बोल्दै यति मात्रै होइन पोखरा विमानस्थल विमान उडाउन योग्य नहुँदै नियामक निकायले उडानको अनुमति दिएको प्रति पनि उहाँले सम्बन्धित निकायको ध्यानाकर्षण गराउनुभयो । यात्राका साधन मध्ये हवाई यातायातलाई सबैभन्दा सुरक्षित मानिने गरिएको भए पनि नेपालमा हवाई यातायात दुर्घटनाको अवस्था भयावह भएको बताउनुभयो ।
छानबिन आयोग गठनमा पनि गम्भीर त्रुटि भएको लिङ्देनले बताउनुभयो । उडान अनुमति दिने अधिकारीकै भिनाजुलाई छानबिनको जिम्मेवारी दिएको सही प्रतिवेदन नआउने उहाँको भनाइ छ ।
हवाई दुर्घटनाको छानबिन गर्न सधैँ एउटै मान्छेलाई जिम्मेवारी दिएको प्रति पनि उहाँले प्रश्न गर्नुभयो । ‘सधैँ एउटै मान्छेलाई किन छानबिनको जिम्मा दिइन्छ ?’, भन्दै उहाँले प्रश्न समेत गर्नुभयो ।
बैठककाे आकस्मिक समयमा बाेल्ने सबै सांसदले साे दुर्घटना प्रति दु:ख व्यक्त गर्दै निष्पक्ष छानविन हुनु पर्ने माग गर्नु भएकाे थियाे ।
