काठमाडौं । वाग्मती प्रदेशका मुख्यमन्त्री बहादुरसिंह लामाले आज विश्वासको मत लिँदै हुनुहुन्छ ।
विश्वासको मत लिने प्रयोजनका लागि दिउँसो तीन बजेका लागि प्रदेश सभा बैठक आह्वान गरिएको छ ।
नेपाली कांग्रेसका ३७ र एमालेका २७ सांसदको समर्थनमा मुख्यमन्त्री बन्नुभएका लामालाई बहुमतका लागि ५६ जना प्रदेश सभा सदस्यको समर्थन आवश्यक पर्दछ ।
वाग्मती प्रदेश सभामा १ सय १० जना प्रदेश सदस्य छन् । नेपाली कांग्रेस र नेकपा एमालेका मात्रै ६४ जना सांसद छन् ।
